وحياة سوزان

كلمات رائعة معبرة نشرها محمد السيد

نقلتها من الفيس

وحياة مامة فخامتك

طيب وحياة سوزان
تسامحنى عشان شتمتك
وانا واقف فى الميدان

كان المفروض اجـيـبـك
وتشوف شعبك حبـيـبك
عشان تاخد نصيبك
م الحب وم الحنان

انا اسف وبصراحة
اصلى مكنتش اصيل
يا معلمنى القباحة
نفسى ارد الجميل

يا مظبط اهل بلدك
اكتر من اسرائيل
هتقوللى ايه اللى فيها
هقوللك فيها فيل

انا اسف انى سبتك
تخلع من غير حساب
كان المفروض حاسبتك
زى ما قال الكتاب

مبـنـنساش الجمايل
والشعب ف قلبه شايل
وهنعمل فيك عمايل
والبركة فى الشباب

فى اكتر من حريقة
وف كل بيت شهيد
فاكر اهل الدويقة
فاكر قطر الصعيد

طب سرطان الخضار
والعيشة الغلية نار
والمعبر والجدار

وللا الفكر الجديد
اسف علشان سكاتنا
طول الوقت اللى فات
وانت مسود حياتنا
وبتسرق مليارات

دلوقتى الفرصة جاتنى
وهحاسبك ع اللى فاتنى

وهرد حقوق بلادى
واخد حق اللى مات

اسف لجمال وعزمى
ولصفوت ولسرور
كل اللى مصو دمى
ولسه فى القصور

اسف علشان سايبكو
وحياة بلدى هجيبكو
وفى التحرير بانيلكو
احلى واجمل خابور

...