الأربعاء، 4 أغسطس 2010

مغامرات فطوطة فى متحف الارميتاج

بداية اعتذر عن عدم المتابعة لان الكمبيوتر أعلن العصيان من أكثر من اسبوع
......................
فطوطة والخمس حريمات ركبوا القطار السريع من موسكو لسانت بيترز .. كانو اتنصحوا كتير
بعت قريبتى وصديقتى وقعدت جنب واد قمور روسى .. وكانت سعادتى كبيرة انه يتكلم الانجليزية
بصراحة استغليته معظم الوقت .. وعرفت كل حاجة عن البلد التى تصل الى ثلاين كم عرض وطول
يعنى صغنونة وجميلة
..........
وقبل وصولنا بساعة لقينا درجة الحرارة وصلت من 32 الى 18 مع عواصف الشتاء والمطر الغزير
بصراحة اتخضيت
ايه الاستقبال ده
لكن الرجل اتصل بسانت بيترز وطمنى ان الشمس ساطعة هناك والحرارة 25
وعرفت فين نتفسح ومنين نشترى وكتب لى كل حاجة بالانجليزية والروسية
عرفت طريق الفندق والثمن اللى حندفعه له
واصبحت فى نهاية الرحلة المرشد للمجموعة
ولما التاكسى حاول يستعبطنا فردت له الملاية الاسكندرانى ووافق على الثمن فورا
//////////////////////////////
القصور الملكية مجمعة ومستخدمة متحف رهيب
هو

متحف الأرميتاج
وده فيه كل حضارات العالم
مجمعة او مسروقة الله واعلم
الحضارة الرومانية والبريطانية والفرنسية والروسية والامريكية
المصرية والهندية ووووووووو ............ كتير وحتى الصينية

بصراحة شئ يفرح من عظمة المتحف الذى يحتاج 3 ايام لتغطيته
ويحزن علينا وعلى الجناح بتاعنا اللى الناس بتدفع علشان تتفرج عليه فى الخارج لانه اترحل بايدى مصرية
يحزن لما نشوف القصور الملكية عندنا بقت ايه
////////////////////////



ده جانبين من المتحف



وهذا هو القصر الشتوى للملك والذى يلاصق القصر السابق وضم اليه ليكمل المتحف





وهذه بعض مجموعات من من داخل المتحف

لان معظمها ممنوع فيها التصوير

ومجموعات أخرى لم نستطع تصويرها لضيق الوقت





الجناح ده كل جدرانه والسقف بالمنظر المذهل ده












شايفين الجدران والسقف













مش محتاج كلام













مرايات وتحف نادرة الوجود


ده باب من مجموعة رهيبة من الابواب المصنوعة والمنقوشة بالذهب الخالص














عواميد من الذهب الخالص وحوائط تتسمر امامها الأرجل








شايفين حجم النجف وروعة الجناح

صراحة المتحف اكثر من رائع بيجيب دخل قومى رهيب للبلد

ويارب الكمبيوتر يفضل سليم علشان نكمل المرحلة الرابعة والاخيرة من مغامرات فطوطة الممتعة

هناك 5 تعليقات:

  1. ماشااااااء الله
    باحييكى العرض الممتع وتعليقاتك الامتع على الصور
    فعلا
    مكنونات رائعة والدولة اللى تستغل ما يتوافر على ارضها بالشكل المناسب
    من المؤكد انها ستنجح جذب ملايين البشر اليها

    معلومات تم اضافتها الى فكرى
    اذن لابد ان يتم تقديم الشكر وكل التقدير لمن كتبها

    تقديرى الكامل
    وكل فمتو ثانية وحضرتك فى اتم صحة
    ورمضان كريم

    ردحذف
  2. بسم الله ماشاء الله
    حاجااات روعه قوي:)
    مستنين الباقي

    ردحذف
  3. حمد الله عل سلامة الكومبيوتر

    الصور ما أجملها

    البلد جميلة أنا عارف صحيح مظرتهاش بس

    عارف عندى كارت بوستال كتير عنها و صور أصدقاء

    عارفة حضرتك ربنا بيحبك تقعى فى واحد روسى بيتكلم انجليزى و روسى فى نفس ذات الوقت
    (:

    أصلهم نادرين

    بس عارفه هما زينا تقريبا فى كل حاجة الجدع الل فيهم جدع للأخر زى الشخص دة مادام قادر يقدم
    معلومة بيقدمها

    انا مبسوط جدا علشان حضرتك انبسطتى قوى هناك (:

    ربنا مع حضرتك

    ردحذف
  4. دلوقتي فهمت
    إهيء إهيء
    طول عمري اقول هم الستات في روسيا كانوا بيلبسوا الفساتين المنفوشة بالعرض دي ازاي
    ويعيشوا بيها من غير ما تشبك منهم ولا يتزنقوا ازاي
    اتاريهم يا اختي عايشين في البراااااااااااااااح
    القاعة الزرقاء في اخر صورة ها تجنني
    انا بموت في اللون ده واكتر شيء يريحني نفسيا الأزرق مع البراااااااااااااح اللي القاعة فيه
    جميلة جدا يارانيا والصور واضحة واكثر من رائعة
    مساء الفل يا حبي

    ردحذف
  5. وحشششششششششتينى
    حبيبتى

    كل عام وانتى الى الله اقرب ورمضان كريم عليكى وعلى اسرتك

    جميله اووى الصور تحفه رائعه
    منتظرين الجزء الاخير
    دمتى بكل الخير

    ردحذف