مغامرات فطوطة فى موسكو

أيوة مغامرات
لما رجل يقترح رحلة لبعض الدول بلا شركة سياحة أو مرشد .. وتوافقه زوجته وابنته ويعرض الموضوع على الاصحاب فلا يجد سوى ثلاثة من السيدات المجانين انا منهم يشجعوه ويتبعوه طبعا ده مغامرة
........
الذهاب الى موسكو وسانت بيترزبرج لاول مرة لنا جميعا مغامرة

حجز الفنادق والطيران من خلال النت
مجهودات فردية لعمل كل شئ مغامرة
عند وصولنا مطار موسكو ولا يافطة باللغة الانجليزية ولا غيرها
فقط الروسية لا احد يتكلم سوى الروسية
بدأ من موظفى الطيران وحتى سائقى التاكسى الممتلئ بهم المطار
ويكون التفاهم لغة الاشارة
....
وموظفات الفندق يادوب بيحاولو يتكلموا لغة انجليزية وهذا ما رحمنا قليلا
.......
ونتسك أول قلم.... ويطلب السائق 120 دولار فى التوصيلة لفندق كوزموس3نجوم واضح فى الصورة على شكل هلال وندفع وطبعا بالفلوس وليس الاشارة
.......
لما يكون عدد غير قليل من شعب موسكو نصاب وحرامى يسرقك عينى عينك تدخل تغير فلوس يعد لك من وراء الطابق الزجاجى وكله تمام وتتسلم المبلغ لتجد ان الفكة من مئات وعشرات سليمة تماما وان السبع الاف بقدرة قادر بقوا أربعة (ده حصل معايا بس واحد مصرى قابلته صدفة كان محذرنى)
واتخانقت ورفضت اخرج قبل ما اخد فلوسى كاملة ....
وان العشرة الاف بقوا ستة (وده حصل مع قائدنا فى السفر رغم تحذيرى له) ده طبعا بعد ما فتح الباب فور تغييره علشان يخرج وقفلوا وراه
وبعدها نخبط دماغنا فى الحيطة
ولم ترجع الاربعة الاف روبل وهى ما يوازى800 جنيها تقريبا - شعب قليل الذوق يزق ويشتم فى المترو والشارع والسوبر ماركت -
موظفة المترو بالاشارة على الخريطة علشان تحجز لنا عصبية وبتزعق على طول يبقى نعمل ايه
؟؟؟؟؟؟؟؟؟
لما مترو الانفاق الاسطورة ذو الستة طوابق تحت الارضوالخطوط 12 وكل خط بلون وكل لون فى طابق معين واتجاه مختلفمتاهة كبيرة صال وجال فيها فطوطة ومن معه لانها ارخص واسرع وسيلة للتنقل
سلالم كهربائية طويلة جدا وسريعة جداجدا......
فيه محطات تحفة معمارية وأثرية كما هو واضح فى الصور التالية.معلش دى صور من المدينة دخلت فى الوسط
وهذا جزء من داخل محطة مترو انفاق .

ومحطات أخرى قذرة وارضها غير ممهدة واكيد اسوأ كتير من محطة رمسيس التى ركبت منها منذ اعوام... ودى منها محطة فادنخا اللى كنا فيها
تقريبا العتبة عندهم
لاننا فضلنا نسكن فى وسط البلد على السكن فى فندق فاخر جنب المطار تجنبا لاستخدام التاكسيات
..............

وطبعا فيه حاجات جميلة فى البلد زى الساحة الحمراء والكريملين ودى معلومات انا حصلت عليها من النت قبل سفرى فيه كمان الحدانق الساحرة فى الميدان الاحمر

ولنا لقاء اخر مع الجميل فى موسكو
ولقاءات ساحرة مع روعة مدينة سانت بيترزبرج وجمال الناس فيها مختلفين تماما عن اقاربهم فى موسكو