الاثنين، 22 فبراير 2010

ما هى الحياة ؟!؟!؟!

لا توجد حياة بغير حب
ولا حب بدون جرح
ولاجرح بدون دموع
الحياة مرحلة نعيشها
يجب ان نتعلم منها ونستفيد بها
الحياة هى تجارب نمر بها وتؤثر فينا
كثير من الناس من يحبها
لانه حقق ما اراد
وهناك من يكرهها
لانه لم يفهمها ولم يتعايش معها
..............

بعض أحس بالظلم
ولذا يريد ان يذهب الى حياة خالية من
الظلم
النفاق
الكذب
الخداع

الحياة كتاب له بداية ونهاية

ولكن بعض الناس لا تريد ان تقرا الكتاب كاملا ولا تحاول فهم ما تقراه ولذا تريد ان تنهى صفحاته آملة للانتقال الى كتاب اخر
................
الحياة لعبة

هناك من يجيدها وهناك من لا يدركها ولا يستطيع اللعب بها
.............
الحياة مثل الزهرة
الجميلة المليئة بالاشواك رائعة مبهجة من بعيد وما ان تلمسها تجرحك وتدميك اشواكها
.............
الحياة التى نعيشها حياة متعبة لا يوجد بها قادر على تحقيق كل السعادة التى حلم بها

وانى مقتنعة تماما ان الحياة لا تعطى لاحد كل ما يتمناه ومن يريد كل شئ يخسر كل شيئ
ومن يملك كل شيئ غالبا ما يشعر بالملل سريعا
فها هى الحياة التى يعيشها البشر قيمتها الحقيقة فى الاحساس بالرضا

والراضى بما قسم الله له

هو من حقق السعادة الدائمة
------م--ر--م--و--ر--ة-------

تلك كلمات ابنتى التى اوشكت على السادسة عشر نقلتها كما هى منتظرة ارائكم وتعليقاتكم

هناك 25 تعليقًا:

  1. وحشتنى حبيبتى اوووى
    كل عام وانتى الى الله اقرب واسرتك الكريمة بمناسبة المولد النبوى الشريف

    ردحذف
  2. تحياتى للأبنتك الجميله ربنا يحميها ويحرصها ويحفظها يارب من كل شر ويبارك فيها
    فعلا الحياه ما هى الا مواقف بنعيشها
    ياأما تصيب يا أما تخيب
    ربنا يكتب لينا الخير والطب يارب
    دمتى حبيبتى بكل خير
    واسفه على التأخير كنت قفلت المدونه واخدت أجازه
    ورجعت تانى ليكو
    دمتى بصحه وسعاده

    ردحذف
  3. تحياتي لمرمورة حفظها الله على هذه الكلمات الحقيقية الرائعة
    السؤال اللي كل يوم بسأله لنفسي امتى لحقتوا تفهموا في سنكم التين ايدجيه كل ده :)

    وهناك من يكرهها
    لانه لم يفهمها ولم يتعايش معها

    ان نفهمها فهذا هو المستحيل
    ان ندرك حكمتها فهذا جائز وحقيقي لكل ذو لب
    ان نعيشها بدون ان نفهمها بشكل كامل فهذا هو الذكاء الحقيقي

    تحياتي

    ردحذف
  4. شكرا ليكي يا مرمورة يا قمر على الحكمة الجميلة دي
    و لما هي فهمت الحياة من دلوقتي كده ؟؟ يبقى هتعمل ايه بعد كده في الحياة ؟؟؟
    عموما يا مرمورة انتي بجد جيتي على الوتر الحساس بجد

    كلمة الحياة دي كلمة جااااااااااامدة جدا
    و علشان نفهمها محتاجين عمرنا كله
    و اوقات كتيرة جدااااااااااااااااااااااا
    ما بنقهمهاش الا يوم ما نموت و ساعتها نكون اتاخرنا اوي
    و اوقات بنموت و ما نفهماش الا بعد الموت و نقول يا ريت نرجع و لو يوم

    ربنا يهدينا و يرضى عننا يا رب

    شكرا يا مرمورة و سلامي ليكي و لمامتك الغالية على قلوبنا

    خالص تحياتي و تقديري

    ردحذف
  5. كلمات رائعة من زهرة يانعة مثلك تماما
    الحياه فعلا مليئة بالازهار الجميلة
    وايضا بالاشواك الدامية
    والانسان الذكي هو من ينعم بالزهور
    ويتجنب الاشواك قدر استطاعته
    من خلال تمسكه بمبادئه وقيمه ودينه
    واحساسه بالقناعة والرضا بالمقسوم
    بارك الله فيكى ابنتي
    وجعلك زخرا وفخرا لوالديك

    ردحذف
  6. كلمات جميلة وواعية ما شاء الله

    الحياة التى يعيشها البشر قيمتها الحقيقة فى الاحساس بالرضا

    والراضى بما قسم الله له

    هو من حقق السعادة الدائمة
    هو ده تقريبا مفتاح السعادة الدائمة
    بجد جميلة كلماتك يا مرمور

    ردحذف
  7. ماشاء الله على بنوتك الحلوة

    ربنا يحميها يارب

    وبعدين اكيد اللى مامتها القدر وانا لازم تكون بنوتة عسوله كدا

    كلمات فعلا حلوة وواعية ماشاء الله

    حلو اوى انها في سنها دى وفاهمة الحياة كدا

    وكان عندها حق اوى لما قالت ان الحياة مش بتدى لحد كل اللى هو عاوزه

    تحياتى لكى ياقمر ولبنوتك العسوله ربنا يخليها لك

    ردحذف
  8. ماشاء الله عليكي وعلي بنتك الله يحميهالك يارب العالمين

    وماشاء الله علي كلامها الرائع والجميل وعقلها

    الله يحميهاااااالك ويخليكي ليها

    ردحذف
  9. ماشاء الله ان تعى تلك الحقيقة مبكرا
    رعاكِ الله وحماكِ من اى مكروه
    مرمورة الغالية

    ردحذف
  10. ماشاء الله

    ربنا يخليها ليكى يارب وتفرحى بيها

    مع خالص تحياتى

    ردحذف
  11. ماشاء الله .....الله اكبر وربنا يبارك ليكى فيها ويفرحك بيها

    ردحذف
  12. نوسة
    كل سنة وانت طيبة يا قمر
    ومرمر بتعتذر لان عندها امتحانات الميد تيرم
    كان نفسها ترد عليكم بس المرة القادمة ان شاء الله
    منورة دائما

    ردحذف
  13. فعلا يا ستوتة
    مش عارفة الجيل ده ما شاء الله قد ايه فاهم
    وعارف هو عايز ايه
    ربنا يحميهم
    وفعلا منك نستفيد
    استحالة فهمها
    ومن الذكاء ان نعيشها يشكل كامل

    سلامى لمنوسة وعفرتو

    ردحذف
  14. مها الحبيبة
    كل سنة وانت طيبة يا قمر
    ومرمر بتعتذر لان عندها امتحانات الميد تيرم
    كان نفسها ترد عليكم بس المرة القادمة ان شاء الله
    منورة دائما

    ردحذف
  15. مستورة
    مستغربة ليه يالولا
    هذا الشبل من ذاك الاسد
    مين مامتها ومين باباها
    كان نفسها ترد على التعليقات بس الامتحانات I.G. مش ساهل زى ما انت عارفة
    هى عايشة بدعواتك وناجحة بتوحيهاتك اما الموهبة فمن جيناتك انت وباباها
    ربنا يحميها ويبارك لنا فيها

    ردحذف
  16. ايمان
    نورتى المدونة بكلماتك الجميلة

    كل سنة وانت طيبة يا قمر
    ومرمر بتعتذر لان عندها امتحانات الميد تيرم
    كان نفسها ترد عليكم بس المرة القادمة ان شاء الله

    ردحذف
  17. ريم
    وحشانى قوى يا حبوبة
    ايه اخبار كتاكيتك
    يارب تشوفيهم اجمل واحسن الناس ونقرا ليهم عن قريب
    دايما منورانى

    ردحذف
  18. الطير العاشق
    كل سنة وانت طيبة يا قمر
    ومرمر بتعتذر لان عندها امتحانات الميد تيرم
    كان نفسها ترد عليك بنفسها
    ما انتم قريبين فى السن
    بس المرة القادمة ان شاء الله
    منورة دائما

    ردحذف
  19. موناليزا
    نورتينى
    وربنا يبارك فيك
    ويتقبل دعواتك الجميلة

    ردحذف
  20. تامر باشا
    نورنى مرورك
    وربنا يبارك فيك

    ردحذف
  21. د. اسلام
    نورتنى وربنا يبارك فى بناتك الاثنين

    ردحذف
  22. ما شاء الله ربنا يخليهاك

    وجهة نظر صح اووووى عن الحياة وانا متفقة معاها

    ردحذف
  23. ربنا يخلى لك مرموره
    بس هى 16 سنه والكلمات دة كبيره قوى عليها .. بسم الله ما شاء الله خمسه وخميسه
    تحياتى

    ردحذف
  24. اية الحلاوة دي؟

    البلوجر منور وعهد الثورة

    ايوة كدا مشاعير نقية صافية تئوليش مية

    مش من الحنفية

    ولا من المعدنية المضروبة

    بتاعة برا

    أو أصلية من جوا

    ردحذف
  25. جميل اوى الكلام د
    ربنا يخليهالك يا استاذه

    كنت محتاجه فعلا
    قلت اسلم

    بيبرس

    ردحذف