بنوتى الحلوة
بداية اعتذر عن طول غيابى
ومن قلبى وحشتونى جدا يا احلى الناس
وموضوعنا مهم جدا ومقلق جدا
رسالة من الاب الجميل ضايع
رأيت فيها صورة الاب الحنون
يؤرقه القلق على طفلته الكبيرة
انا معه ومثله .. افهمه واعذره ..
انا مثله اموت قلقا على بنوتى الرقيقة ذات الخمسة عشر ربيعا
نعم انها ابنة اختى
ولكنها انتقلت لتصبح فردا فى اسرتى الحبيبة
لتعيش باذن الله مع اخيها والاستاذ شرفنطح وجدهم فى امان
قلقى عليها كبير كبييييييير
فقط لان عالمهم يختلف كثيرا ويتغير سريعا
اصحاب نحن الثلاثة
انا وهى وشقيقتى الحبيبة امها .
لا يخفى احدا منا شيئا عن الاخر ..
نحتويها بكل الطرق
نسمعها دائما .. نحاول ان نفهمها
نصاحب اصدقائها واسرهم
نجعل اخيها الكبير يتقرب منها
ويتحدث معها كثيرا
ولكن ؟؟؟؟
واه من لكن
يميتنى قلقا هذا الانترنت على الموبايل
طفلتى وامثالها ملائكة يتحركون امام اعيننا
ولكن بجيوبهم وبين يديهم ذلك الشيطان اللعين المسمى بالموبايل
اموت رعبا ان تحمل شاشته شيطان متمرس ليقضى على براءة الصغيرات
واتسائل ماذا نفعل ؟؟؟؟؟؟؟؟؟؟؟
وكيف نحمى البراءة ؟؟؟؟؟؟؟؟؟؟؟؟؟؟؟؟؟
وكيف نتعامل مع صغيراتنا ونحافظ عليهن ؟؟؟؟؟؟؟؟؟؟؟؟
اجيبوووووووووووووونى
جميل جدا البوست دا
ردحذفوفعلا النت ع الموبايل بئي رعب
بالذات في السن دا
الليي شايفة فعلا الرقابة الشديدة من بعيد
ومحاولة تحديد الوقت في استخدام النت
والتقرب منها بشدة
والسماع لها
ولطريقة تفكيرها
وباذن الله خيرا
واتمني تطمنينا
انا كمان اموت قلقا على أختى الأصغر هى عمرها 17
ردحذفلكن انا رأيى أن زى ما دلوقتى انتى خايفه من النت والموبايل التلفزيون كان بيعمل حاجات كتير زى الزفت صورة سعاد حسنى وهى بتتحرر من القيود وبتغنى للواد التقيل وشاديه وهى بتحب وبتضيع شرفها كده عادى
وبعدين كله بيبقى تمام فى الاخر والشرير اللى هو الأب اللى بيخاف على بنته وبيحاول يحميها من الحب الحرام بيموت وربنا بياخده ونخلص وكمال الشناوى بيقى تمام ويتجوز شاديه فى الاخر
ربنا هو الحافظ واللى يخاف على ذريته من الضياع يتقى الله فى كل امور حياته ليجعل الله له مخرجا من كل سوء ويحمى أولاده برحمته سبحانه وتعالى
{ وَلْيَخْشَ الَّذِينَ لَوْ تَرَكُوا مِنْ خَلْفِهِمْ ذُرِّيَّةً ضِعَافًا خَافُوا عَلَيْهِمْ فَلْيَتَّقُوا اللَّهَ وَلْيَقُولُوا قَوْلًا سَدِيدًا }
السلام عليكم
ردحذفوحشتنى قوووووووووووووووووى قوووووووووووووووى
كل سنه وحضرتك بالف خير بمناسبة قدوم شهر رمضان
ويارب دايما معانا وفى وسطنا
بالنسبه لكلامك معاكى حق والسن ده اخطر سن وخطر قووى ولاذم الرقابه من بعيد لبعيد
ربنا يستر ويعدى المرحله دى على خير
بس كل شىء براحه مش بالعنف
مودتى
ايناس
طبعا بعد حمد الله على السلامه من الغيبه الطويله دى الله لا يعودها
ردحذفوشوية حاجات كده
نيجى بقى للموضوع الأساسى
أولا أنا ضد فكرة الموبايل مع السن الصغير أساسا لأنه ولا له أى لازمه
هتقولى قلقانين عليها وبنحب نطمن وحاجات كده
يبقى نيجى للجزء التانى
أولا لازم واثقه فيها بإنك تزرعى جواها الأخلاق والدين والأسس اللازمة لحمايتها
وكما فى حاجه أهم
ليه لازم أساسا موبايل بالنت
ما دام الهدف هو الإطمئنان يبقى مفيش مشكله من تليفون خفيف يؤدى الغرض منه وهو الإتصال
أنا شخصياكنت بأمشى من غير تليفون لحد بداية مشروع البكالوريوس
وجبته تحت ضغط الدكتور المشرف على فيه (وعلى فكرة مشروعى كان فى برج العرب عندكم ) ولما جبته جبت تليفون خفيف كده كان 160 جنيه ومش عارف اسمه لكن أدى الغرض منه وزياده حبتين
يبقى أولا هو مش ضرورى للدرجه
ثاني لو الضرورة حكمت ييبقى نحصن أولا بالدين
ثانيا بعدم الإسراف الذى لا لزوم له
تحياتى دوما
والله بجد موضوع مهم جدا واعطاني فكرة لطرح اخر للموضوع وهو كيف تثق في ابنك وتشتريلو مبايل
ردحذفارجو انك تزوريني وتطلعي على مدوناتي اختك في مجال التنمية البشرية وممكن نتشارك ونفيد بعض وفقك الله
الانترنت اساسا مزبلة للتاريخ وخاصة المنتديات العربية التي هي مزبلة للتاريخ التقني .. فالمنتديات كذبة كبيرة والجميع صدقها
ردحذفاخوكم مجنون نصف كوم .. ويا انا يا خالتي روز
حاعرف لنفسى
ردحذفنورتنى
كلامك منطقى ومتزن
زرت مدونتك الجميلة
ربنا يسعد ايامكم ويصلح احوال المسلمين
ايمان
ردحذفالحقيقة التكنولوجيا لها وجوه مرعبة فى كل مرحلة من حياتنا .. وربنا هو الحافظ لاولادنا
تحياتى وحبى
ايناس
ردحذفكل سنة وانت بالف صحة يا حبيبتى الصغيرة
وحشتينى اكتر وربنا يجمعنا دايما على خير
ومعك الحق الرفق مطلوب وخاصة فى تلك المرحلة العمرية الصعبة
تحياتى
الازهرى
ردحذفازيك يا بطل
حاولت ادخل ارد على البوست الاخير ولا اعرف لماذا لم تنجح المحاولات
اتابعك باهتمام واتمنى ان ارى ابنى مثلك
اما لماذا الموبايل فموضوع خارج من ايدين معظم الاباء اما النت فمشورة الصديقات وزغللة الاعلانات
اتكلم بجنيه واحد طول اليوم
اشتركوا فى حديث جماعى واتكلم على راحتك
وغيره كتير .. والزمن بيختلف بسرعة شديدة
ويتغير كل شهر وليس كل عام
واقسم اعرف فتاة 15 سنةتحمل اكثر من موبايل ومن خط حتى اذا سحب الاهل الخط برز غيره بلا علمهم
ماهو الخط ب3 جنيه وكله مش مستحيل
والخوف من الدخيل الفاسد الذى ينخر سوسه فى ارجاء المكان .. نحن نحاول ان نحصن ونحمى وندعى الخالق العظيم
تحياتى
شجرة الدر
ردحذفنورتينى واهلا بك
فى انتظار ما تكتبين من اراء
تحياتى
cyberia1
ردحذفكل شئ فى العالم ممكن يكون فيه جانب مضئ واخر مظلم
جانب قبيح واخر جميل
ليس كل شئ له صفة مطلقة
والمنتديات والتدوين له ايضا جوانبه الطيبة والشريرة
المهم كيف نستخدمها ولاى الاغراض
وقانا الله والمسلمين شر الخبثاء وذوى النفوس الضعيفة
صفاء الحبيبة
ردحذفوالله ياحبيبتى
لن نحميهم الا بالدعاء بان يبعد
عنهم ربنا الفتن ماظهر منها ومابطن
التكنولوجيا الحديثة ديه كلها فتن
والعيال عاوزين كل حديث
ونوصل لننا بنربى صح وبنعمل الخير
وندعى ان ربنا لايضيعهم
ومتغبيش عننا تانى
ان شاء الله طول مانتم اصحاب ومقربين لبعض مش هايحصل حاجه وحشه
ردحذفبس ليا سؤال صغير
ليه موبايل فيه نت ؟؟؟؟؟؟
ليه نعود ولادنا ان كل شيء يتمنوه يلاقوه؟؟؟؟
احيانا ربنا بيحرمنا من حاجات نتمناها علشان يرحمنا من سوء ممكن يحصلنا (واعلموا ان الله يحول بين المرء وقلبه ))
لازم نعلم ولادنا ان الشيء لزوم الشيء
وبالنصيحه والقلب المحب والعقل الواعى هاتعدى المرحله دى بامان ان شاء الله
بس انتى متغفليش لحظه عن متابعتها بحب الخاله الجميل
ام مالك الحبيبة
ردحذفوالله ما اقدر اغيب عنكم ابدا
ومنورانى دائما
وربنايسترها على اولادنا ويبعد عنهم كل شر
ستوتة
ردحذفمنورانى ومريحانى دايما
موسوعة الله واكبر فى التحليل والتنوير
ابنتى دى طول عمرها فى حضنى فى الاجازات وخميس وجمعة يعنى ايام الدلع .. والسنة دى دخلت i.G الوضع اختلف بقت معايا فى الجد والدراسة ورغم اننا اصحاب جدا لكن شخصيتها القوية والمتميزة تخيفنى احيانا .. كما يخيفنى الزملاء الجدد الذين لا اعرف عنهم شيئا
نتحاور كثيرا ومنذ سنوات لانها تحب ان تقتنع بكل شئ
واعلم تماما انهم جميعا يكرهون الاوامر
دعواتك لها ولمنوسة وكل الزهرات اللى زيهم
الفراغ
ردحذفوالله موضوع النت على الموبايل ده جاى من الاعلانات الخادعة وغيره . وطبعا احنا قلنا نعدى يومين الاجازة
ومع اول الدراسة يلغى النت تماما ويقنن استخدام الموبايل وهى مقتنعة بهذا وربنا يستر عليهم جميع
شكرا على اهدائك
وكل رمضان وانت بالف خير
اولا اسف
ردحذفثانيا حقك عليا
ثالثا انا غلطان
رابعا سماح النوبة
خامسا ستيتة انتقمت لك مني وسلقتني الجو اجارك اللة
سادسا بعد ما تسامحيني كام مرة كدة هتتعودي
ماشى يا هانى
ردحذفخلاص حاتعود على مقالبك دى
بس الصدمة دائما اول مرة
ونردها لك فى الافراح
وحشاني مووووووت و الله
ردحذفودخلت اطمن عليكي لقيت البوست الجديد
ازززززيك يارب تكوني بالف خيرر
انا حاسة بقلقك لاني بقلق على اختي اوووي
اهم حاجة تكونوا متفاهمين معها وتكونوا اصحاب عشان متخبيش عنكم حاجة ومتقلقيش ياقلبي اهم حاجة التربية والتدين وبما انكم ماخدين بالكم منها مش هيحصلها حاجة دا قلق طبيعي
ربنا يحميها ويبعد عنها كل شر
دمتي بحفظ الرحمن
شوفى يعنى مش انا اللى هنصح حضرتك لكن هقول اللى اعتقد انه صح
ردحذفالاول الدعاء ان ربنا يحيمها وتفتكرى دايما فالله خير حاقظه وهو ارحم الراحمين ربنا يعزك ويحفظها ايرب
والحاجه التانيه انصحيها واسمعى ليها انا كان نفسي يبقى ليا حد افضفض له من غير مايزعقلى ويقولى دايما غلط اتمتيت كنت اساله دايما اعمل ايه
يارب انتى تبقى كده ليها
وحشتييييينى ياحبيبتى
ردحذفربنا يحميها
احكيلها عن نماذج مما تخشين عليها فيها
يعنى عوديها على القيم باسلوب غير مباشر
وادعيلها دايما
امممممممممممم
ردحذفاولا حمدالله عالسلامه
ورمضان كريم
وكل سنه وانت طيبه
انا بقول اني مع كل كلمه قالتها
الدكتوره ستوته قلبا وقالبا
تحياتي
بداية السن الحرج بدأت فعلاً وطبعاً المخزون التربوي القديم هايكون له عامل كبير الفترة القادمة بلا شك ...لكن أكبر عامل مؤثر في الانسان هو الوازع الديني ومحاولة تقويته وتأصيله لا وقت لها وأهم مميزاتها انها تخلق الرقابة الذاتية لكن للأسف المشكلة الكبرى هي الطرق التقليدية في غرس القيم الدينية تؤتي نتائج عكسية .... حاولي البحث عن قناة جديدة في الحوار ومن ثم للتواصل لزرع تلك القيم بلا افتعال وبأسلوب مقبول حيث ان ادراك ووعي شباب اليوم أعلى مما تتخيلي :)
ردحذفوفقكم الله دائماً ..تحياتي
نوارة المدونات
ردحذفشكرا لمرورك ولبوستاتك المريحة للنفس
الحوار قائم وقلبى متسع لكل التقلبات فى هذه السن الحرجة والهادى هو الله
جيجى الجميلة
ردحذفكلماتك اسعدتنى جدا
فكرتنى انى كنت عندية جدا لكن من جوايا كنت باتمنى حد يفهمنى ويشعرنى بالحنان
ربنا يقدرنى احتويها
موناليزا
ردحذفنورتينى ووحشانى جدا
قرات لها مقالة بريد الجمعة عن الفتاة التى وقعت فى براثن شيطان النت وابتزها ماديا ونفسيا
ولازلت احتفظ بها
وربنا يهدى بناتنا واولادنا جميعا
ابو العريف
ردحذفوانا كمان والله معاها فى كل ما قالت
نورتنى
تامر على
ردحذفمنورنى بعقلك الكبير وحكمتك الواضحة
ربنا يقدرنا على تفكير تلك السن المتقلبة
تحياتى
السلام عليكم
ردحذفاولا حمد لله على السلامة
البوست فعلا قضية مهمة
والحل يمكن سهل ممتنع
وهو غرس القيم والمبادئ الصحيحة فى ابنائنا
ولا مفيش شئ هيمنعهم من فعل اى شئ
ربنا يغفر لنا ويحمى اابنائنا من الشياطين
تقبلى تحياتى
سيدتي
ردحذفبجد مشكله كبيره
وانا شخصيا لا اعرف حلا جزريا لها
انا اعاني منها مع اخوتي ايضا ولا اعرف ة بخاف ازعلهم وفي نفس الوقت بفكر ايه المشكله
لو متربيين كويس وعارفين التزاماتهم مع لعض الرقايه
عادي
اه المشكله
عن نت الموبيل اتكلم يا ساده
فهو اقل كثير في ضرره ان ضر من البعبع الكبير استاذن
ذو الوجه المبتسم
ردحذفشكرا لمشاركتك و ارجو ان يتقبل الله دعواتك الكريمة
دز خالد امين
ردحذفنورتنا
وربنا يبعد عننا البعبع
هى ناقصة بعابع
تحياتى
أزال المؤلف هذا التعليق.
ردحذفحبيبتى
ردحذفقبل اى حاجة انتى وحشانى جدا جدا
وبصراحة بعد كلام ستوتة (صوت العقل كما وصفها
مصرى جدا ) مفيش كلام
فعلا صاحبيها وانت ربيتو صح وربنا بيستر
طالما التربية من الاول صح يبقا مش في قلق كبير
ربنا يحمى بناتنا واولادنا
طمنبنى على باباكى
وسلامى وقبلاتى لابنك العسول
انا كمان نفسى اشوفك ياقمر
ردحذفلو ممكن مؤقتا نتكلم على الميل
ابعتى لى ايميلك على الميل ده
mero.200528@gmail.com
وانا هاضيفك وابقى اكلمك
والبوست ده ليا فيه كلام كتير
بس هاجله لما اكلمك على الميل
فى رعايه الله
امى تقول لى دوما البنت مايحرسهاش الا عقلها
ردحذففانتى لن تستطيعى مراقبة اطفالك طيلة الوقت وهم لن يبقوا امام ناظريك 24ساعه
اذن فلنزرع جيدا لنحصد محصولا جيدا
التربيه ثم التربيه هى اساس الشخصيه
من تربى على الفرق بين الثواب والخطأقادر على التمييز بينهما وعلى الاستفاده من التطور الذى يداهمنا فى غفلة منا
وقادر على ان يمنحنا ثقة فى من ربيناهم وعلى قدرتهم على الاخذ من الا شياء بقدر الاستفادة منها
اعانك الله على كسب ثقة ابنة اختك
واعانك على تعليمها احترام تلك الثقه التى تملكها هى
موضوع جميل بحمل الكثير من الجدل
ردحذفبس انتى خايفة من ايه التكنولوجيا الحديثة اصبحت اداه ذو حدين اذا استخدمناها صح وتعاملنا معها بايجابية سوف نحيا برضا الله ولا يقلقنا شىء واذا تعاملنا معها بالتسلية والسلبية سوف تاخذنا الى طريق لا نهاية له ...........
ولكن كلامك دخل عقلى فيه حجات مش عرفه هى ثابته ولا لا ازاى يقضى على برائة الصغيرات دا اولا
وبعدين التربية اساس الحياة وهى دى اللى هتخلينا منخفش من اى حد سواء صديق . قريب
تقبلى مرورى
السلام عليكم
ردحذفجهد مشكوووووور
ورمضان كريم