موبايل فى كى جى وان
اي والله يا جماعة
موبايل لطفل اولى حضانة .. واخر تانية حضانة
ومش طفل او اتنين لا دى اربع حالات قابلتها فى هذا الشهر
يعنى تكنولوبيا لم يصل اليها عقلى القديم .. موجودة عند بعض الاباء والامهات
ونسأل هذا النوع ليييييييييييييييييييييييه ؟؟؟؟؟؟؟؟؟؟؟
ومبررهم ان الموبايل قديم وان مش بيحطوا للطفل غير خمسة جنيه بس
والطفل مسجل كام نمرة يرن عليهم عشرين مرة فى الدقيقة
لا يلام ... ماهو عيل
وارجع اسأل طيب ليييييييييييييه
ايه الفايدة ؟؟؟؟؟؟؟؟؟؟؟؟؟
طيب عارفين حجم الضرر !!!!!!!!!!!!
!!وطبعا قعدت اشرح لابنى ( الذى يطالب بالمثل ) ضرورات المحمول واهمية استخداماته
وضرره على الصغار .. ولكن مين يسمع .. يرى من حقه موبايل خاص
ومبرره انه على الاقل أكبر منهم عنده ثمانية سنوات
باكلم نفسى واسأل
طيب لييييييييييييه؟؟؟؟؟؟؟؟؟؟؟؟؟؟؟
شكلى أصبح كمسنة متخلفة
وأم بخيلة على صغيرها
هل أصبحت حقا نموذجا من الزمن الماضى
من بقايا الامس
؟؟؟؟؟؟؟؟؟؟؟
وكل عام وانتم بخير بمناسبة شهر رمضان الكريم
ويا رب رمضان الجاى ربنا يرزقكم بموبايل زى بتاع الولاد بتوع كى جى
.jpg)
.jpg)
ناخد اول تعليق
ردحذفحجزززززززززززززززززززززززززززز
التانى بقا
ردحذفرمضان كريم
كل سنه وحضرتك طيبه
بحبك قوووى والله ربنا ما يحرمنيش منك يارب
حبيبتى
ردحذفموضوع جميل وضحكنى قوووى
والله مهما تعملى ومهما تقولى دول بالذات بيشيلو اجهزة احسن من اللى معانا واللى فى دماغهم بيمشو تقولش امر وينفذ
هههههههههههههههههههه
ربنا يسعد قلبك ويريحك ويطمنك على غالى لديك
ويبلغك رمضان وانتى باحسن حال مودتى
ايناس
نوسة حبيبتى
ردحذفنةرتينى اول وتانى وتالث
كل رمضان وانت بالف صحة
والسنة الجاية يكون معاك ومعايا موبايل زى اللى شفته مع طفل كى جى وان
تحياتى
انا ليه وجهة نظر تانيه
ردحذفلأني بحاول اعود ابني على الاعتماد على النفس يعني لما بنروح النادي بسيبه يتحرك بحريه بس المشكله اوصوله ازاى
كمان ممكن ينزل يروح المول اللى هو مش بعيد لكن ازاى برضو اوصلو واتطمن عليه
كمان بسيبه فى التمرين واحاول اروح المكتبه فى النادى لحد ميخلص طيب اعرف انه خلص منين
طبعا لو مفيش سبب لحمل موبايل يبقى بجد حرام وده اللى انا فهمته لأبنى وبمنتهى الهدوء الأول رفض وكان عايز يشيل الموبايل كلعبه علطول لكن انا رفضت بهدوء وقدمت اسبابي يعنى الموبايل بيدهولو لو فى سبب ولما يبقى مفيش سبب يبقى مفيش موبايل وهو ده اللى عندى واللو مش عاجبه يشرب من البحر .. لكن انه يشيل الموبايل علطول او انى احس بالذنب كلا البته يلعب غيرها الحركات دي ياما عملناها واحنا صغيرين
ايمان حبيبتى
ردحذفيا ترى ابنك عنده كام سنة
ويا ترى طفل لم يتم 5 سنوات يعرف يشيل موبايل ويحافظ عليه ويستخدمه صح .. والله اللى شفته قدامى واحد سيتم 4 سنوات وليل نهار يلعب بالموبايل
والاخر 5 سنوات قاعد فى جلسة عائلية بجانب الوالدين
وهات يا رنات لغاية باباه ما قام ضربه
طيب هو عيل والقعدة مملة بالنسبة له بيسلى نفسه
وللاسف اعتقد مخاطر المحمول فى السن دى اكتر من فوايده
ابنى الصغير اعتقد انه لن يستخدمه صح واكيد حيطلع الموبايل يتمنظر بيه .. ويمكن يتعرض للسرقة او لما هو أخطر..
عن نفسى ابنى شقى جدا وانا فى التمرين معايا رقم الكابتن بيرن عليا فور النتهاء .. ويلعب فى النادى براحته وعارف اين انتظره ويحفظ رقم هاتفى للطوارئ
اما ترشيد استخدامه للتليفون فده شئ جميل
وليس كل الاطفال على شاكلة واحدة
تحياتى وحبى وكل رمضان وانت بالف خير
كل سنة وحضرتك طيبة
ردحذفرمضان كريم
واطفال اليومين دول أطفال فوق العادة
في حفظ الله
حبيبة قلبي كل سنة وانت وشرفنطح بخير وسعادة
ردحذفانا يا حبيبتي جايبة لأحمد السنة دي موبيل لعدة اسباب
اولا طبعا مانوسة معاها وده جايب له فسفس مهما حاولت اشرح فارق العمر
ثانيا انا فعلا باطمن لما ينزل يصلي او يشتري حاجة ومعاه موبيل وخاصة لو كنا في مول او النادي بحس ان هذا العفرتو اللي بيفط وينط بعيد عني مش ها يتوه وربنا يحفظ ولادنا
بس انا عملت حاجات مهمة جدا
جبت موبيل صغير جدا في الحجم ورخيص في السعر وبدون كاميرا وبدون ميموري كبيرة
وده ليه اسباب اولا مش ها يتسرق
ثانيا ربنا يبعد عن ولادنا الأذى محدش ها يخطف الواد علشان حاجة مش غالية
ثالثا وده الأهم الموبيل مفيهوش قدرات كتيرة تخلي احمد عايش ماسكه
وفعلا هو بيفضل بعيد عنه في الريسيبشن ومش بيمسكه غير وهو خارج من البيت بس
طبيعة الزمن يا حبي بتفرض نفسها
تحياتي ودعواتي لك ولأسرتك الكريمة
ام عفرتو الجميل
ردحذفكل سنة وانتم طيبين
يا ترى عمر احمد كام سنة دلوقت
الحقيقة انا فعلا شايفة اطفال كتير معاهم الموبايل
وقريب جدا مصر حيكون عدد مستخدمي الموبايل 80 مليون
والله مانا عارفة يا ستوتة ده صح والا غلط
بس انت كعادتك قلت المفيد ( طبيعة الزمن بتفرض نفسها )
وشكل الواد شرفنطح هو اللى مظلوم فى مخ امه العتيق
حبى وكل سنة وانت ومنوسة وعفرتو وباباهم وماما صافيناز بالف خير
القدر وانا
ردحذفكل سنة وانتى طيبة ياحبيبتى
اللهم بلغك رمضان انتى واسرتك الكريمة بالف خير
انا مع راى ستيتة
ولكن محظور ان يكون مع طفل قبل 8 سنوات
والله انا متعجبة اصلا من الفكرة
ولكن الظروف بتحكم
وانا بقاوم الا يقتنى مالك موبايل
قبل انتهاء المرحلة الابتدائية على الاقل
ومش حقولك هو بيبص لاخواته
لا علشان هما اكبر بكثير
ولكن المصيبة فى اولاد القرايب
اللى فى سنه واصغر منه
وزاللى بمجرد انتهاء الزيارة
الاقى وجع الدماغ والزن انه عاوز موبايل
ربنا يرحمنا برحمته ولسة ياما حنشوف
تحياتى
كل سنه وانتي طيبه الاول
ردحذفموضوع الموبايل في سن صغير اكيد مش صح
حاولي تقنعيه
وحددي سن معين تسمحيله فيه انه يكون عنده موبايل وقوليله امتي بالظبط
بس
الرفض لمده معينه ومحدده افضل من الرفض المطلق
أنا مع أولادي أخوض حربا ضروس بسبب الموبايل دة
ردحذفكل يوم نقاش واديهم محاضرة في الاضرار والعواقب الوخيمة للموبايل ودفاعهم انهم الوحيدين في الكلاس والنادي اللي ما عندهمش موبايل
لكني لازلت متمسك وسأتمسك بالرفض
لحد ما يبلغوا زي الدكاترة ما بيقولوا وتصبح اضرار الموبايل أقل
الواد ابني يحملني نتيجة هروب صاحباتة لانة مش بيكلمهم في الموبايل!!!!!!
طب وأنا حشتة يتكلم من عندي واهو كلة فايدة مش يمكن ربنا يرزقنا بعروسة على حس الواد
بنتي بئا سهنة ما بترضاش بتقولي اتجوز بمعرفتك انا مع مامي
صحيح اكفي القدرة
لا و الله يا حبيبتي انت على صح اياك و المبايل للأطفال و الله دي أضرارو وخيمة على الدماغ بس مين بيسأل علينا ؟؟؟
ردحذفربما يعينك على الاولاد انت أم بتخاف على أولادها مش دقة قديمة و اله
ام مالك
ردحذفالاخت الحبيبة
كل رمضان وانت واسرتك بخير وصحة
اكيد فيه اهل بيعانوا من تاجيل الموبايل للطفل زى حالاتى .. ربنا يتولانا برحمته فى زمن الاعلانات والتطور السريع
سومة
ردحذفنورتينى يا قمر
الرفض مش مطلق ولا حاجة
ان شاء الله اجيبه حتى لا يشعر انه الوحيد المحروم من نعمة الموبايل .. ولكنى اؤجل قدر المستطاع حتى احميه من الاضرار .. والله هو المعين
مصرى جدا
ردحذفانت بقيت دقة قديمة زى حالاتى
بس دوافعك غير بريئة
عايز الواد يكلم صاحباته من عندك يمكن الشبكة تحدف لك واحدة مياس .. ماشى ياعم هانى
ربنا يسهلك بس بعد رمضان
كل سنة وانت طيب يا قمر
نكهه مغربية
ردحذفكل سنة وانت طيبة يا حلوة
ودعواتك ربنا يقدرنا
قلم رصاص
ردحذفمنور يا باشا وكل سنة وانت طيب
اعذرنى لتاخير الرد سهوا
وربنا يقوينا على عفاريت اليوم
نحياتى
بيرم باشا
ردحذفنورتنا بحضورك الكريم
ورمضان كريم
و كل سنه و انت الي الطاعة اقرب و الي الجنة اكثر شوقا
تحياتي
بس يا شيخه ما تقوليش كده
ردحذفاحسن روان بتخلي امها تفتحلها المدونه وتقرالها اللي بكتبه
احسن تاخد بالها وتطلب تليفون وساعتها انا اللي هدبس فيه
طبعا لازم تجيبي للولد موبايل
مش اصحابه عندهم
مره ابن عمي جرب يدي ابن الكبير ( 10 سنين )
موبايل لقيته بيكلم اخوه اللي في نفس الاوضه علي تليفون مامته
ابو العريف
ردحذفكل سنة وانت وروان ومامتها بخير
وبطل بخل يا عم .. ماتبقاش زيى وانزل هات للبنت الموبايل .. ماهو حتجيبه حتجيبه
الزمن اختلف يا باشا
حبيبة قلبى انتى جيتى ع الوجع
ردحذفانا مدرسة رسم مستجده ف مدرسة خاصه للغات
وانا مدرسة كى جى طبعا لسه الدراسه بس اولياء الامور بتيجى من دلوقت وجايبه اولادها يتعرفوا على المدرسين الجدد وانا منهم
اولد من دول ربنا يدينا يارب
شايل عدد من ارقى انواع عدد الموبايلات واما سالت ولية امر عن السبب بصتلى بنظره كنت اتمنى الارض تنشق لحظتها وتبلعنى نظره وكانى جايه من ورا الجاموسه
ههههههههههه
طبعا قالتلى يا ميس دى اناقه
وطاتلما ربنا مديلنا وحالنا ميسور نضيق على ولادنا ليه؟
منطق وجيه
كمان لان الولد بيكون حاسس بشوق لبابا وماما ومش بيرتاح الا لما يسمع صوتهم على الموبايل
طبعا سياسة المدرسه بتتيح للطفل الكلام مع اهله ف اى وقت حتى ف الحصص
طبعا
هلى راى
انا راضى وانت راضى مالك انت يا قاضى
فبرجع اقول
وانا مالى
احنا ف زمن الاناماليه
كل سنة وانتى طيبة ياحبيبتى ويارب يعينا على صيام رمضان وقيامه
ردحذفاما عن موضوع الموبايلات للاطفال فرأيى الشخصى انه فيه ضرر صحى على الكبار فما بالك بالاطفال اللى لسة فى بداية النمو
موناليزا
ردحذفأختى الغالية
كل سنة وانت طيبة ويارب يبارك لك واسرتك فى رمضان ويتقبل منك صيامه وقيامه ويعوده الله عليك والامة الاسلامية بالخير والبركات
واحدة من الناس
ردحذفبس احلى الناس
انت جبت المهم {انا راضى وانت راضى مالك انت يا قاضى )
لنا الله يا قمر
كل رمضان وانت بخير
يا نهار أبيض
ردحذفموبايل في كي جي وان؟
أنا كنت فاكر إني لما جبته وأنا في ثانية ثانوي كنت جايبه بدري
وكنت بتفشخرن قدام الناس كلها إني معايا موبايل
د. ياسر
ردحذفياه .. دا انت موضة فديمة حدا
كل سنة وانت طيب يا دكتور
المسألة فعلاً انه مضر جداً خصوصاً على الاطفال في السن المبكرة سن التكوين الحسدي والعقلى ...احنا خلاص يالاحسن الختام مش مهم نمسك موبايل نمسك قنبلة نوويه مش مهم :)))
ردحذفرمضان كريم
تحياتي:)
تامر على
ردحذفوانت طيب يا باشا
وعندك حق
ما فضلش حاجة ليها أهمية
لنا الله
تعرفى ان الدى وهو مهندس
ردحذفكان مانع عنى استخدام الاله الحسبه ولحد اولى ثانوى لانها بتلغى العقل
مع انها من غير شعاعات ضاره
لكن قولى ايه ؟
عموما الموضوع محتاج مناقشه اكبر وانا ناوى انزله فى الفارس الاخير تابعيه ونشوف كل الاراء
كل سنه وانت وكل احبابك فى ايمان وامن وامان وسلام وخير وطمأنينه
هيه الدنيا كده
ردحذفومش هيسكت بردة الا لما تجيبى موبايل
ههههههههههه
ربنا يكرمك
كل سنة وانتى طيبة وبخير والاسرة الكريمة
رمضان كريم
ايه حكاية الموبيلات معاكى يا قدر
ردحذففعلا هى حاجه تجنن
بس فى اوقات كتيره الناس بتعملها منظره
وساعات الناس بتطمن على ولادها بيها
على فكره انا كنت رافضه حكايات الموبايل دى
بس ولادى هما اللى صمموا يجبهولى هديه يعنى فى عيد الام
بحجة انى سيده عامله ومش معقول ابقى موجوده فى ركب التخلف والناس من حواليا وصولوا القمر اه بفلوسهم
هو يعنى احنا معندناش فلوس...
لاطبعا عندنا وثمن الموبايل بيدل على حجم صاحبه ومكانته الماليه والاجتماعيه
من الاخر هاتيله موبايل وريحى دماغك
وكل عام وانتى بخير والاسره السعيده
ويارب مانتحرمش من بعض فى رمضان وبعد رمضان
القدر وأنا
ردحذفالعزيزة الغالية بارك الله فيك وشكرا لأطرائك وشكرا لمرورك فلا تحرمينا المعاودة وكل عام وانت في سعادة وسرور ورمضان كريم أعادة الله عليك وجميع الاهل بالصحة والسلامة خالص مودتي
السلام عليكمـ
ردحذفأولا كل عام وانت بخير اخت القدر وانا
ورمضان مبارك
وربنا يخليكم لبعضكم وما يحرمكم من شئ
ومرة تانية كل عام وانت بخير
كل سنه وحضرتك طيبه
ردحذفربنا يبارك فيكى ويسعدك ويكرمك
رمضان كريم
السلام عليكم
ردحذفكل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه
وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم
وارزقنا العفاف والرضا - والمحبة واهدينا يا عظيم
وأعنا علي القيام والصيام والصلاة والارتقاءالي جنة الفردوس
واجعلها لنا ميراث خير وسعادة
واجعلنا من عتقاءك في هذا الشهر يا معطي يا وهاب
وارزقنا حلاوة القرآن و حسن تلاوته
وتدبر معانيه وفهم علي النحو الصحيح
ورطب ألسنتنا بذكرك يا الله
الازهرى
ردحذفبالا يا جميل اكتب فى الموضوع ده
يمكن نلحق شوية اطفال
وكل عام وانت في سعادة وسرور ورمضان كريم أعادة الله عليك وجميع الاهل بالصحة والسلامة
مسدس صغير
ردحذفادينا بنحارب علشان نحميه اكبر فترة ممكنة
وكل عام وانت في سعادة وسرور ورمضان كريم أعادة الله عليك وجميع الاهل بالصحة والسلامة
ماما
ردحذفوكل عام وانت في سعادة وسرور ورمضان كريم أعادة الله عليك وجميع الاهل بالصحة والسلامة خالص مودتي ودعواتى
بيرم باشا
ردحذفوحضرتك كمان في سعادة وسرور ورمضان كريم أعادة الله عليك وجميع الاهل بالصحة والسلامة
بحر الدموع
ردحذفوكل عام وانت كمان في سعادة وسرور ورمضان كريم أعادة الله عليك وجميع الاهل فى فلسطين الحبيبة بالصحة والسلامة
ايناس حبيبة قلبى
ردحذفوكل عام وانت ايضا في سعادة وسرور ورمضان كريم أعادة الله عليك وجميع الاهل والاحباب بالصحة والسلامة خالص مودتي ودعواتى
حسونة
ردحذفربنا يتقبل منا ومنك
وكل عام وانت في سعادة وسرور ورمضان كريم أعادة الله عليك وجميع الاهل بالصحة والسلامة وشكرا لمرورك
الطفل بيشوف اقرانه وبيغير منهم
ردحذفابقى قوليلى حليتى المشكله دى ازاى؟
الله يرحم لما كنا عيال واكبر احلامنا فانوس رمضان
والله نفسى فيه لحد دلوقتى رغم ان عندى
بس عايزه الجديد بقى
هو انا لسه عيله ولا ايه؟
(وش بيفكر)
كل سنه وانتى طيبه ورمضان كريم
دودو
ردحذفكل سنة وانت طيبة يا قمر
اما المشكلة فطبعا ليس هناك حلول
هناك فقط تاجيل لاطول فترة ممكنة
ويارب انجح اطولها لغاية ما يعدى ثالثة ابتدائى
اما فانوس رمضان فشئ جميل والحنين اليه لا ينتهى عند سن معين ..
يعنى كلنا عيال مهما بلغنا من العمر ارذله
ويمكن اجيبه واجى ازورك فى عملك
بس يا رب تبقى مفاجئة سارة
فى عملى؟؟؟؟؟!!!!!!!!!!!
ردحذفازاى؟
لا افهمها دى
مع انى مش ام بس ارجووووووووووكى اوعى تخضعى لكلامه:))يزن يعيط يعمل اللى يعمله اولا كل الدكاتره بيقولوا قبل 10 سنين مفيش موبايل..ثانيا وده الاهم ابن خالى مامته جيباله موبايل زى دول كده وصدقينى لو اقولك انى شايفه الولد قمة فى البوظان متدلع جداااا فاكر ان طلباته اومر,الموبايل بتاعه حق مكتسب ومش مسموح لاى مخلوق يمسكه ولا يشوف هو بيكلم مين؟تخيلى؟؟؟؟؟؟؟؟؟؟؟
ردحذفانا شخصيا وان شاء الله لما ربنا يكرمنى عندى 3 حاجات من الممنوعات نهائيا الموبايل وقنوات الفيديو كليب اما الكمبيوتر هيقعد عليه بس بجدول:) ام بايخه بايخه يعنى:))
شيماء
ردحذفنورتينى
وكلامك صح مليون فى المائة
وربنا يقدرنى أطول المدة اكثر فترة ممكنة
أنا بجد بستغرب اوى من الناس دى..و عندى الحالات دى فى العيله
ردحذفانا مش قادرة اقتنع ان حد فى كى جى وان ماسك موبايل بلاش انه ملوش لازمة و الاطفال بيستخدموه غلط...ده ضرره كبير جدا على الاطفال إذا كنت انا بستخدمه للضرورة و بقفله و انا نايمة عشان بخاف من اخطاره..ما بالك الطفل؟
والله احنا اللى بنبوظ عيالنا
ردحذفاجمل تحيه لعشاق اسكندريه
ردحذففيه لقاء سكندرى تدوينى خيرى
واتمنى تكونى موجوده
والتفاصيل على مدونتى
انا دورت على ايميل اكلمك عليه مش فيه
فاستنيت لما البوست نزل وجيت جرى اقولك
مستنيه اشوفك على احر من الجمر
ازيك ياقمر
ردحذفانتى فين ؟
وحشتينا جدا
وبالنسبة لموضوع الموبايل انا كنت رافضة تماما اجيبه لبنوتاتى والكلام دا كان من سنة تقريبا لكن بابايا جاب لهم وانتى عارفه الاجداد مش بيرفضو طلب لاحفادهم
لكن انا نش بسيبه معاهم على طول يعنى طول الوقت مش ماسكينه
بس رأيي انك مهما حاولتى تقاومى هاتخضعى في النهاية
ياريت مش تتأخرى علينا
(:
ردحذفافتكرت أختي الصغيره
عندها 7 سنيـن
وقعدت تزن عايزة موبايل عايزة موبايل
(: بابا جابلها
(: اعترضت ..
أه والله
قالتله عايزة n70
بابا جابهولها ..
(: بس اللطيف انها فعلا عملت انقلاب عند كل صاحباتها
وكل الأهالي كاو بيتصلو بماما يقولولها عيالنا عايزين موبايل ((:
وأكيد طبعا دعو عليها من ورانا ههههههه
(:
المهم ...
انــا بكتب الكلام ده عشان أحذرك ....
(:
النهرده موبيل
بكره والله ... ي أختـــي ..
عايزة لاب توب (:
فيها حاجة !
(:
السلام عليكم
ردحذفوحشتينى قووووووووووى ابقى طمنينى على حضرتك
كل سنه ولحظه ويوم وانتى بالف خير
مودتى
باقابل نفس المشكله مع ولادي
ردحذفخصوصا ان انا عند فعلا موبايل قديم وفيه خط كمان
وبنتى الكبيره عندها تسع سنين دلوقتي
طبعا انا مفتريه ومستحوذه على موبايلين
بس الاهالي بيستهبلوا وبيتمنظروا
انتى زعلانه على الى فى حضانه ؟؟
من اسبوعين كده يا حبيبتى شوفت عيل عنده 4 سنين ولسه ما راحش حضانه اصلا
ومش معاه موبايل قديم ولا حاجه
ده قال لابوه انا عايز موبايل فخالته سمعته وجابتله واحد تاني يوم الصبح امعانا فى الهبل الى بنعيشه
انا مره اديت الموبايل بتاعي لبنتى وهى راحه عيد ميلاد صاحبتها عشان اتصل عليها كل دقيقتين لانى كنت قلقانه عليها
انما اديلها موبايل تلعب بيه لا لسه بعقلي الحمد لله
اثبتي على موقفك مع العيال وقوليلهم كلمتي المعهوده احنا ما بنعملش زي حد
هو لما نلاقي حمار بينهق فى الشارع نمشي ننهق وراه ؟؟؟
كل سنه وانتى طيبه يا جميل
انا ودماغى
ردحذفنورتينى يا قمر وكل سنة وانت طيبة
وادينا بنحارب التطور المدمر اطول فترة ممكنة
بلو ويفز
ردحذفاهلا بيكم وربنا يكفينا شر البوظان
دودو
ردحذفان شاء الله نكون مع بعض فى هذا اللقاء الجميل
ريم
ردحذفوحشانى اكتر
ويارب اقدر اقاوم كتير كل يوم يعدى فايدة كبيرة
تحياتى وسامحينى الوقت ملخبط شوية
ميرام
ردحذفمنورانى
اهو ده اللى بيتعب الاطفال.. مقارنتهم ببعض وصعب تشرحى او تفهمى الصغار
واكيد ابنى حيتمنى اب زى باباك كده..مش امه المفترية
تحياتى
صبرنى يارب
ردحذفمنورانى وكل سنة وانت طيبة
وياريت تشوفى والد ميرام وزيه كتير
يارب صبرنا وقوينا من عندك
عاشقة الاحزان
ردحذفنوسة حبيبتى
وحشانى اكتر وكل سنة وانت بالف خير
بيرم باشا المصرى
ردحذفكل سنة وانت وكل احبابك بالف خير وصحة وسعادة
السلام عليكم ورحمة الله وبركاته
ردحذفأمانة موضوع رائع
وبجد ناقشتيه بكل موضوعية وفعلا هؤلاء وأمثالهم من الأباء والأمهات أصبحوا لا طعم لهم ولا رائحة بل هم ماضي وأنت الحاضر أختي .....
لأن الحق هو الحق
والباطل هو الزوال
تحياتي لفكركم الموقر
محمد حياتنا
جميل قوي لغاية هنا
ردحذفقوليلي بقى عملتي إيه مع ابنك؟ علشان انا ابني اخر العنقود رايح سنة تانيه ويطالب بحقوقه المدنية زيه زي اخواته البنين بموبايل ويكون فيه كاميرا وبلوتوووووث كمان مش اي موبايل يا ماما...وعيد سعيد عليكي يارب
ههههههههههه والله مع حضرتك حق انا بنت جارتنا فى 2 ابتدائى معاها موبيل وبتبعتلى ب4 مسجات فى اليوم وطول النهار رن وفعلا معرفش فايدته ايه
ردحذفجيل التكنولوجيا بقى وكل سنة وحضرتك طيبه
ازيكم يااهل الدار
ردحذفسألت بنت فى المدرسه الابتدائى
انتى ليه شايله موبايل ؟
ردت وفقعتنى وقالتلى عشان اطمن بابا وماما ان مافيش مدرسين او مدرسات بيدايقونى
هههههههههههههه
اصلها بقت موضه