الثلاثاء، 5 يناير 2010

لغة خاصة جدا


انا وهى
ابنتى الحبيبة
التى تعبر عن جيلها
فى حوار دائم معا
هادئ أحيانا .. وحاد أحيانا اخرى
وككل شباب اليوم .. صغيره وكبيره
لابد أن يقتنع
ولابد أن يفند كل المفردات
وكما تعلمون
يخلقون لأنفسهم دائما عالما خاصا بهم
يحبونه
ويهربون اليه
اذا عجز الأباء عن التواصل معهم
وأول هذا العالم
تطوير اللغة التى يتحدثون بها
كوكتيل جميل من العامية والانجليزية
..............
ولم لا
كل الكائنات لها لغة خاصة
الطيور لها لغة خاصة
الشباب ايضا له لغة خاصة جدا
ابنتى وأخيها طالب الجامعة يجيدان تماما العربية والانجليزية بطلاقة
ومع هذا لا يستخدمون مع أصحابهم الا تلك اللغة الخاصة
التى هى لا عربية ولا انجليزية
..............
حينما تركت لى تعليق على بوست ملابس البنات
كانت لغة الفرانكو أراب هى التى تجد الراحة فى التعبير بها
وهذا حال الكثير من الشباب
....................
ونضطر نحن الأباء والأمهات لتعلمها
حتى يمكننا فك رموز تلك الطلاسم
نتعلمها لنستطيع التواصل معكم ..
والسؤال
أهذه مرحلة مؤقتة ينجذب اليها الشباب ثم تنتهى
ام ستدرس فى الكتب السنين المقبلة
والا ايه
؟؟؟؟؟؟؟؟؟؟؟؟؟
يا ترى اللغة القادمة لأولادكم حتكون ازاى
!!!!!!!!!!!!!!
حاولت أسكت يا أولادى
أبطل تخلف علشان أريحكم
بس حقيقى مش عارفة
...................
حتجننونى

هناك 19 تعليقًا:

  1. ههههههههههههه
    ربنا يخليك اولادك يا رب و تفرحوا بيهم كمان و كمان
    بس فعلا عندك حق هي لغة خاصة و متعبة في الفهم و بقت منتشرة بطريقة رهيبة و المشكلة ان الشباب مصدقين انها لغة خطيرة و هم ايه بيتفزلكوا فيها بالقوي
    هههههههههههههههههههههههههههه
    ربنا يهديهم و يهدي كل الشباب و يكون عون و سند لاهاليهم يا رب

    مع خالص تحياتي و تقديري

    ردحذف
  2. اولا صباح الفل
    ثانيا قبل التعليق فيه صورة هنا لأطفال اسرائليين بيمضوا على الصواريخ اللي ها تقتل الفلسطنين
    وانا عارفة انك مش ممكن تحطيها لو عارفة
    قلت ألحق أقول لك
    دي من الصور المؤلمة جدا
    اللي الساديين بيعلموا فيها اطفالهم الدموية منذ نعومة الأظافر

    بالنسبة للغة الشباب
    فأيامنا كان فيه لغة اخويا وصحابه بيقولوها
    لغة غريبة جدا وغير مفهومة
    علشان يهربوا من رقابة الأباء
    وكانوا بيكرروا الحروف بشكل هم بس اللي يفهموه
    لا اللغة بتاعتهم فضلت
    ولا هم فضلوا صغيرين
    وعدت السنين
    وكل جيل لازم ينتقد الجيل الصغير
    ثانيا
    الفرانكوآراب مش خاص ببنوتك بس
    لأننا نعيش زمن الدونية شئنا أم أبينا
    وطالما شايفين نفسنا أقل
    "ومهما قعدنا نجعر ونقول احنا احسن من الغرب فكله عارف ان ده كلام ابن عم حديث" ولذلك اصبح التمدن والثقافة والرقي في انتساب احدنا للفرقة الناجحة المسماه العالم الأول
    ده مش في جيل واحد للأسف
    ده في كل الأجيال
    ايام الستينات الهيبز ماانتشرش في مصر؟
    لأ انتشر
    في السبعينات شفتي الشرلستون؟
    أه شفتي
    في التمنينات رقصة ترافولتا وبنطلونه في جريس
    أه حصل وعلى نطاق مهول
    في التسعينات مايكل القرد
    وهكذا
    احنا في انحدار ثقافي اصبحت فيه الأهواء تتجه تلقاء الناجحين
    ولما يكبروا شويتين ها يقولوا لأ
    احنا احسن بس في حاجة واحدة بس
    إحنا موحدين
    بس
    ساعتها يمكن يقل الفرانكو آراب شوية
    وبعدين بدل ما تنقدي يا اوختشي
    ادخلي في المود شوية
    ده انا بحب الصغيرين وبحس معاهم بسعادة وطاقة ايجابية
    دول بيطولوا عمر الشباب والبهجة صدقيني :)
    صباحك هنا وسرور

    ردحذف
  3. التعليق اللي فوق ده ستيتة بس متخفية في صورة زجاجة على رأي حسن عابدين الله يرحمه :)

    ردحذف
  4. لسة عند ام مالك قلتلها انا عايشة جيلين متناقضين
    جيل الشباب وجيل الام المسؤلة واللى بتربى
    مندمجة مع الجيلين مناصفة وخلينى اقولك ان مادام انتى عارفة ان بنتك بتجيد اللغة العربية والانجليزية خلاص دا المهم من وجهه نظرى معرفتها وثقافتها واخلاقها بعد كدا اللى بيريحها خليها تعمله مادام مش هيضر
    تعرفى انا ساعات ببقى عارفة نطق كلمات معينة وبنطقها بأسلوب تانى خالص ولما حد ينتقد بقوله انا عارفة نطقها كذا بس انا ارتحت واتعودت انطقها كذا العيب انى انطقها غلط وانا فعلا مش عارفة الصح بتاعها

    الاستايل دا مش لمجرد التقليد
    لان مش كل اللى بنعرفة بنقلده
    يمكن فى بداية المراهقة ممكن لكن فى مرحلة الشباب والمرحلة الاكبر سنا هتلاقى الموضوع بقى ممل
    واكيد مش هيستمر معانا لباقى العمر
    لان بعد تحمل المسؤلية الوضع بيختلف

    دمتى بكل خير
    تقبلى مرورى

    ردحذف
  5. اسعد الله صباحك

    اعتقد فيه مشكله عند حضرتك او عندي في امكانيه التعليق انا اضطريت اضيف صفحه تعليقاتك للريدر عندي علشان اقدر اعلق

    ما علينا
    حسب معلوماتي ان الفرانك اراب ده ظهر مع بدايه ظهور الموبايلات وكتابه رسئل اس ام اس
    خاصه ان كل الموبايلات في بدايتها كانت لا تدعم الكتابه باللغه العربيه
    وبعدين كتير من الشباب حبوها لسببين الاول
    كما ذكرت اختنا الفاضله ستيته كنوع من انواع التمويه والهروب من الرقابه
    والتاني انه بيمثل احيانا لبعض الشباب نوع من انواع التميز عن باقي المجتمع واهو خالف تعرف
    وانا برايي ان حائط الصد الاول هو الاقتراب الشديد
    من عالم الشباب والصغار ومحاوله مشاركتهم في عالمهم الخاص بهم ولكن بكياسه وحذر

    ردحذف
  6. مها
    نورتينى
    وربنا يتقبل دعائك

    ردحذف
  7. ستوتة
    احلى صباح على احلى ليدى يوم عيد ميلادها
    هابى نيو يير يا قمر
    والله انا مش معترضة
    عارفة ان التغيير والتطور موجود وحتى نهاية العمر
    ولكن فقط مستغربة
    ومع التعود الاولاد مش عارفين يعبروا الا بتلك اللغة
    وبعدين يا توتة انا فعلا مندمجة معاهم الثلاثة
    وصاحبتهم جدا
    حتى مع صغيرهم اللى بالعب معاه كرة قدم
    بس بفضفض يا اختششششى
    وبعدين يا قمر انتى غنية عن التعريف حتى لو خبيتى اسمك
    بنعرفك بقلوبنا اللى بتحبك

    ردحذف
  8. يا اجمل رومانسية
    انا مش معترضة
    انا مستغربة فقط
    وقلقانة من التعود ده
    خصوصا لما دايما تقولى انا مش باعرف اعبر غير كده
    على فكرة
    شكرا لبوستك الجميل اللى اسعدنى جدا
    نورتينى

    ردحذف
  9. للاسف الجيل بلغته بيفرد نفسه

    كان من كام سنة طلعت مصطلحات غريبة كده

    وحصل هجوم وازاى لغة شبابنا تنحدر كده

    بعد سنة اتعمل قاموس بالكامات دى وكان بيتباع فى الاسواق

    فحضرتك توقعى اى شئ فى ظل هذا الزمن العجيب

    دمتِ بخير ..

    ردحذف
  10. ابن رشد
    الريدر تعبان
    اكيد من اللى احنا عاملينه فيه
    بس تلاقيه عندى لانى مش متميزة قوى فى التعامل معاه
    اما الموبايل فاكيد هو والشات بداية تطوير اللغة عند الشباب
    والله انا مصاحباهم وقريبة منهم جدا
    يساعدنى على كده انى خالتهم مش مامتهم
    بس عايشين معايا لظروف الدراسة
    وحقيقى احنا سعداء مع بعض جدا
    شكرا لمشاركتك القيمة وربنا يبارك فيك

    ردحذف
  11. حفلة صغننة ل د / ستيتة ..

    قولوا كل سنة وهيا طيبة في البوست ده

    ردحذف
  12. ربنا يخليهالك ... انتى أم مثالية فعلا

    ردحذف
  13. لغة جديدة!!

    طب فية درس خصوصي؟

    بس من ابلة وتكون حلوة كدا

    مش علشاني دا علشان مصر والتواصل بين الاجيال والحرية والديمقراطية والرخاء

    والضريبة العقارية

    ردحذف
  14. الصراحه ان اللغه الجديده غبية ومالهاش معنى
    وان دلت فهى تدل على جهل باللغتين العربيه والانجليزيه
    وتفاهه الشباب اللى بيقلد بدون اى اسس او انتماء معين
    ربنا يهديهم

    ردحذف
  15. اولا انا سعيدة جدا بزيارة مدونة حضرتك ... انيا كل سنة وحضرتك بكل خير يارب وان شاء الله سنة سعيدة ... اما بقي ثالثا فانا مع حضرتك في اللغة الغريبة اللي بيتكلموا بيها الشباب دلوقت اناايوة مش ام لاحدهم انما اولاد اخواتي رغم قربهم الشديد ليا الا اني مش باعرف اتكلم معاهم باللغة دي خااالص لدرجة اني بجد بقيت باشعر اني قديمة اوي اوي واحيان بارجع لايام الجامعة واسترجع الكلمات اللي كنا بنقولها الاقيها كانت برضه قريبة من العربية الفصحى انما طبعا محرفة شوية للعامية لكن مش زي اللغة احاليه للشباب اللي بابقي وسطهم ومش عارفة هل دي تهريج ولا تريقة ولا كلام جد وبيقولوا رايهم من كتر ماهي ملخبطة وطريقتهم في التعبير بيها في كل المواقف واحدة

    حقيقي ربنا يعينك لانك مضطرة تسمعيها طول اليوم ع الاقل انا باقدر ابعد شوية والقراءة بترجع لي ثراء اللغة شوية بعيد عنهم
    تحياتي

    ردحذف
  16. :)

    كل جيل وليه طريقه طيب هههههه

    والله انا بسال نفس السؤال ياترى ابني هيبرطم بانهي لغه :))

    وحثتيني

    ردحذف
  17. هههههههههههههههه

    انا بسمعها في الافلام المصرية بس

    لكن عندنا عادي في شوية كلام في الخباثة بس عادي يعني حاجات بسيطة

    ربنا يخليلك ولادك ويفرح بيكم يارب

    وحشتيني جدا ياقلبي

    ربنا يخليكي وميحرمنيش من طلتك عليا

    دمتي بحفظ الرحمن

    ردحذف
  18. تدعوكم الحملة الشعبية لجمع المليون توقيع لوقف بناء جدار العار لحضور ورشة عمل تحت عنوان " مدونون ضد جدار العار" وذلك يوم الأربعاء الموافق 13/ 1/ 2009 فى تمام الساعة الخامسة ؛ فى الإسكندرية مقر كتلة نواب الإخوان المسلمين؛ بمنطقة سموحة - شارع السوبر القديم - أعلى صيدلية البر.

    ردحذف