الجمعة، 3 يونيو 2011

عروسة بابا + تحديث


كتبت هذا البوست فى 24 / 3 / 2009
احد اقدارى
ابى هذا الشاب ذو التسعة وثمانون ربيعا.
لا تاخذكم الدهشة....
فهو لازال شابا صغيرا فى أوائل مراحل الشباب.
يحب الحياة جدا جدا..
والله الله.. لو كان فيه واحدة حلوة..
تنفرج اساريره.. ويجلس ليتحدث ويتحدث.
الاحداث عنده كثيرة... والنكت اكثر.
يفهم فى كل شئ .
قارئ جيد حتى الان ..
ومتابع جيد لاحداث الساعة ....
ساخر من كل شئ يحدث حوله.
فكل موقف له فى حافظته شبيه ساخر .
لا يترك اى موقف كان بلا تعليق ساخر يمتاز به.
يلعب مع اولاد الاحفاد ويفرح بهم

اما الجد والخطير فيحمله بيديه ويضعه بعيدا عنه
لا يعرف الحزن طريقا الى قلبه ولايشيل هما لاحد

وحينما توفت امى رحمها الله قرر يتزوج.

اشترط ان تكون العروس القادمة

جميلة
(طبعا امال اصحى الصبح اصطبح بواحدة وحشة )

بنت ناس محترمين
(طبعا دا نسب ولازم ماتقلش عن امكم فى شئ )

لاتتعدى الخمسين
(طبعا يعنى تيجى تقول اه يا ظهرى ويا ركبى)

الايكون لها اى مطالب مادية
(يعنى بنت الللى ... تيجى تقول عاوزة.. وعاوزة..)

الا تكون طامعة فيما املك
(وتكتب اقرار تنازل عن ميراثها منى قبل الكتاب)

وياريت تصوم السنة كلها.. اهه توفير برضه

والى الان لم يجد ضالته

وانتقل للعيش معى من 3 سنوات...
بعد ان طفش يجى عشروميييييت شغالة.

وجت على دماغ الغلبانة اللى هو انا ....
اصلى كنت شقية جدا وانا صغيرة..
قلت لازم ربنا بيخلص منى ذنوب ناس .....
راضية بما يرضيك يارب.

وفكرت ابعث نداء عبر هذا الباب


من يجد عروسة لعبد العزيز اللذيذ
1-ثوابه عند الله كبير.
2- أدعي له مدى الحياة.
3-سيكافئ من ابى بثلاث تعليقات ساخرة.
4-وهى ستدخل الجنة بلا حساب

ادعو لى بالصبر فانا لم ولن اكون صديقة له فى يوم من الايام... انا فقط ابنة بارة تطيع امر ربها
و لا تلومونى فانا خلاص مخى ضرب... وباكلم نفسى
وباحلم
الاقى
عروسة
بابا
ا

هناك 66 تعليقًا:

  1. بصراحه مش عارف اقولك ايه؟
    الموضوع كبير اوي ومحتاج مجهودات مضنيه علشان
    نتوفق في عروسه الغفله للبابا بتاع الانتي
    وخاصه ان هو متساهل جدا في الشروط اللي
    وضعها
    وبناء علي ماسبق
    اقولك ربنا يعينك ويقويكي ويتقبل منك
    عملك الصالح وبرك بوالدك والله هو المستعان

    ردحذف
  2. خليهم اتنين
    وبنفس الشوط
    بس لنا لسة خمسة واربعين بس
    هروح المكتب و اما اجي احكي لك على جدي

    ردحذف
  3. ويا ريت تلات غلشان نستوفي العدد

    ردحذف
  4. ههههههههههههه
    عروسه لله يامحسنين
    يلا بكرة تلاقى
    دمتى بكل الود

    ردحذف
  5. ههههههههههههههههههههه

    طيب والله عسولة زيزو ده أنا هجيبله عروسه

    بس بقولك ايه ماتجيش بقى تقوليلي عروسة بابا خلتني سندريللا والكلام ده

    والله انتي جميله خالص يا ننه وبما إنك صاحيه وبتألفي طلبات جواز هتصل بيكي حااااااااااالا

    أحبك في الله

    ردحذف
  6. مش مونكن
    انا ضحكت ضوحك
    خدي بالك عندي اتنين باباهات صحباتي بنفس المواصفات
    واحد منهم مبيسمعش وعاوز عروسة
    والتاني عنده الزهايمر ولما بيفوق برضه عاوز عروسة
    ربنا يدي زيزو الصحة يارب ويعينك على هذا الموقف

    مونكن اجوزه ماما وها تجيبه لمس اكتاف بعد اسبوعين بالصلى ع النبي
    خليه عندك احسن ده مسكين ههههههههههههههه

    بحبك

    ردحذف
  7. ممممممممممممممم

    عروسة طلب جميل جدا

    بش الشروط دى صعبة اوى

    الاقيلك منين عروسة بالموصفات دى

    بصى فى باب البحث عن عروسة عالنت دورى فية

    اة شقاوة داين تدان
    هههههههه
    ربنا معاكى

    ردحذف
  8. بابا ده كده راجل سكر والواحد نفسه يتعرف عليه

    هيه دي الرداله بتاعه زمان الي خفه دمهم سابقه اي حاجه.

    وبعدين ايه المشكله الراجل بيدور على عروسه مش احسن ما ينحرف في السن الخطرة دي؟

    تحياتي .........

    ردحذف
  9. هههههههههههه

    ليكي عليا اروح للام فاروق الخاطبه واكتب لها المواصفات دي في ورقه

    وهتلاقيني بعتالك العروسه باسرع وقت في البريد

    ويابخت من وفق راسين في الحلال

    ردحذف
  10. ربنا يبارك لك فيه .. حاولى تصاحبيه .. يمكن تقدرى ..

    ***
    انتظروا غداً الأربعاءأول تدوينة للدكتور توكل مسعود تخرج من بين القيود "هكذا يكون الجيران(1)"

    ردحذف
  11. السلام عليكم

    هههههههههه

    خلاص أنا حبعتلك العروسة في البريد الالكتروني
    وأكيد حتعجبه كتير..
    بس لازم يعيشوا فترة خطوبة علشان يتعرفوا على بعض ويفهموا بعض كويس..

    دمت بخير

    لا تنسوا اخوانكم في غــزة من دعائكم

    ||..بحــر الدموع..||

    ردحذف
  12. وحياتك ياابن رشد انا حطيت نص الشروط بس
    خفت مانلاقيش العروسة بسهولة
    ياريت شباب اليوم يتعلم يوضع شروطه مش يندلق
    مع اول طلة من العيون الساحرة
    تحياتى

    ردحذف
  13. مصرى ياخويا
    انا لايصة ادور على واحدة
    اخليهم ثلاثة ازاى
    وبعدين مواصفاتك صعب قبولها
    لكن الغدنفر بتاعنا متاكد انها جاية وسعيدة كمان
    هى تطول تتجوز هذا الشاب الروش
    دى لازم تحمد ربها انها حتكون من نصيبه
    واهو الحمد على السراء والضراء

    ردحذف
  14. المصرية
    يالا ايدى على كتفك
    مستنية العرووووووووووووووووسة

    ردحذف
  15. ستيتة حبيبتى
    ياريت ماما تشرفنا تديله لمس اكتاف على السريع
    انا حاحبها خالص والله
    واحنا عريسنا بيسمع دبة النملة فى الارض
    وبيتوه بمزاجه( ساعة طلب اى فلوس طبعا)
    وموسوعة تاريخية متكاملة يعنى تشغلى الشريط يعمل معاك 15 سنة
    ومعاه ضمان 40 سنة قدام
    بس خلصيييييييييييييييينى

    ردحذف
  16. زوجة عنيدة
    دى نص الشروط بس
    ممكن تديله واحدة مزعلاك
    واهو التنين يخلصوا على بعض
    واحنا نلبس وش ملاك

    ردحذف
  17. ضايع
    اتفضل يا باشا اتعرف براحتك
    وعندك حق الجواز سترة من الانحراف فى السن دى
    واهو يلحق يجيبله عيلين يربيهم ويفرح بيهم

    ردحذف
  18. صمت المشاعر
    حاستنى ام فاروق على نار
    وليها وليكى الحلاوة

    ردحذف
  19. اسراء توكل
    سعيدة جدا بزيارتك
    وربنا يرجع لنا بابا بالسلامة
    وفى انتظار التدوينة غدا انشاء الله

    ردحذف
  20. بصي يا ستي
    جدي رحمة اللة
    ويا للعجب زيزو بية
    اتجوز تلاتة عالتوالي
    واحدة وماتت بدري بدري من غير اطفال
    وبعدين جدتي وخلف اربع بنات ووالدي
    توفت قبل ما يتجوزوا صبر لحد ما جوزهم كلهم وكان عدى الثامنة والستين وراح متجوز ان ان اااااااااااااان
    لسة
    اللي اتجوزها عندها كام سنة؟
    تمنتاشر
    ايون واللة
    وخلف ولدين وبنتين
    كلهم اصغر مني
    وتوفي بعد والدي بخمس سنوات
    شدي حيلك وجوزية بسرعة
    ولا تنسي اخوكي

    ردحذف
  21. بحر الدموع
    عشان خاطرى بلاش خطوبة
    خليها تدبيسة فى السريع
    يعنى نكتب وبعدين تقعد معاه

    ردحذف
  22. هههههههه ربنا يوفقكم وتلاقوها ربنا يخليهولك يارب

    ردحذف
  23. يارب يا ايوشة يارب
    نفرح بيه وبخلفه كمان

    ردحذف
  24. انا رأيى تبعتى فى باب اريد عروسة ى جريدة الجمهورية وتقولى وسيم عنده 40 سنة لا يعول عنده عربية جاجوار بيحب السباحة
    هى بنت ناس متدينة تشارك فى الاثاث جميلة لديها عربية ان شا الله فيات لا تزيد عن 30 سنة جامعية..
    ايه رأيك فى الاعلان ده؟
    وبعد العروسة متيجى تحطوها ادام الامر الواقع وهتوافق وامرها لله..
    هههههههه
    ربنا يخليهولك هو ده الجنة اغتنمى الفرصة وادخلى بيه الجنة..
    احييكى على البوست الظريف

    ردحذف
  25. مسدس صغير
    اكتب انت الاعلان وهات العروسة
    وانا عليا الباقى
    انشاء الله هو هيدخلنى الجنة حدف
    نورتنى

    ردحذف
  26. هههههههههههههه

    ربنا يسهلك المهمة الصعبة وتلاقي العروسة

    تحياتي واحتراماتي

    ردحذف
  27. ههههههههههههههه

    انا اسفة انى كنت بضحك .. بس فعلا اسلوبك ضحكنى والله ..

    انا ممكن اديها جدتى بس هى مش مطابقة للمواصفات اوى لان عندها حوالى 90 سنة D:

    ربنا يبارك لكم فيه ويعطيه الصحة ..

    ويجعلك قرة العين له فى الدنيا والاخرة والولد الصالح ..

    جزاكِ الله خير حبيبتى القدر وأنا على إدخال السرور على قلبى بحق ..

    دمتِ بخير ..

    ردحذف
  28. ربنا يديله الصحه
    ويارب تلاقيله العروسه المناسبه ليه اللي تسعدكم كلكم

    ردحذف
  29. اول زياره
    ده جدو زى العسل و زى السكر ادى الشباب و لا بلاش ماشاء الله عليه ربنا يحميه
    يا ريت لو لاقيتى تقوليلى علشان ماى فازر

    تحياتى

    ردحذف
  30. ههههههههههههههه ربنا يرزقة ببنت الحلال
    بس المواصفات دى عايزة عروسه من التوكيل
    علشان لو فيها اى عيب ترجع تانى :D

    ربنا يديه الصحة وطول العمر ويخليه لكى

    سلاااااااااااام

    ردحذف
  31. هههههههههههههههههههههههههه عروسه تفصيل دي ههههههههههه

    ردحذف
  32. محمد غالى
    اعتذر عن تاخير الرد
    زهايمر بقى
    اشكرك وعقبال عندكم

    ردحذف
  33. المصرى
    ايه يا عم الردالة الجامدة دى
    عقبالك يا ريس وربنا يطمنك زى ما طمنتنى
    مش بعيد الاقى لى شوية اخوات كتاكيت
    اهم يلعبوا مع اولاد الاحفاد
    بضة عزوة يا بووووووووووووى

    ردحذف
  34. بنت مصر
    تورتينا
    وهمتك معانا ينوبك ثواب

    ردحذف
  35. لجين ابو الدهب
    اضحكى يا قمراية وانبسطى
    انت تضجكى وانا اعييييييييييييييييط
    تحياتى

    ردحذف
  36. اجمد ابو الدهب
    يارب يابشمهندس يرزقه ببنت الحلال
    الامووووووووووورة
    وبخلف لنا البنين والبنات
    وعقبال عندك

    ردحذف
  37. بيبرس
    اولا شرفتنا
    ثانيا عنيا ليك ولباباك
    اهو جدو يتجوز البنت
    وابيك ياخد مامتها
    ونبقى نسايب

    ردحذف
  38. امبارح كان عمرى عشرين
    مش مهم التوكيل
    انا حاجيبها من السوق السودة
    بس المهم تطلع بيضة
    وهو وبخته بقى
    تحياتى ونورتنا

    ردحذف
  39. حاسبوتية
    ايوة عروسة تفصيل
    بس عند ترزى محترم
    وعقبال عندكم

    ردحذف
  40. هههههههههههههههه
    يارب يفك اسرة
    بس دى هنجيبها منين ؟؟؟
    دى لازم تكون عروسة لقطة
    بس الطيبون للطيبات واكيد بإذن الله هنلاقيها

    تحياتى ، وبصراحة انا اول مرة ادخل المدونة الجميلة دى بس مش اخر مرةطبعاً

    ردحذف
  41. ربنا يخليهوللك يارب وان شاء الله تفرحي بيه
    يابنتي استحملي معلش ربنا يخليهوللك ويكرمك في ولادك
    انتي بتقولي مش عرفتي عشان تيجي اللقاء بصي المرة جاية ان شاء الله حعرفك كل حاجة عشان مش يكون ليكي حجة
    دمتي بالف خير

    ردحذف
  42. الشروط دي صعبه قوي
    خلينا ننزل بسقف المطالب شوية وربنا يسهل
    ويابخت من وفق رأسين في الحلال
    ويبقى التواصل

    ردحذف
  43. نادو حبيبتى:البوست تحفة وروحك عالية جدا ولا أى شروط لبابا تأثر فيك ومتهيألى كده جينات حب الحياة متسربة عن طريقه بس خفة الدم كمان من عنده كده بقى انت مديونة له اقل مافيها تماينى وتضربى صحوبية معاه زيى ماهو عايز واهو اللى بيقدم شئ بيداه يلتقاه وهنيئا لك يا فاعل الخير..مش حاقدر اوعدك ادور على عروسة تخلصك الاسهل تقبلى انت عريس من الطابور اللى مستنى واهو هروب مشروع...قبلاتى وحبى

    ردحذف
  44. اصحى يا مصر
    شرفتنا يا اسلام بالزيارة الاولى دى
    وياريت الزيارة الجاية يكون فى ايدك عروسة حلوة
    اوعى تنسى المواصفات المطلوبة
    تحياتى

    ردحذف
  45. حروف
    شرفتينى بالزيارة
    وفى انتظار لمتكم الحلوة على شط اسكندرية

    ردحذف
  46. د. معتز
    والله رافض تماما التنازل عن اى شروط
    ما هو شايف نفسه لقطة لاى كتكوته
    اسمه ايه دا فى علم النفس

    ردحذف
  47. يا عطر الربيع
    حمدا لله على سلامة البيه الكمبيوتر بتاعك
    خليكى حونينة معاه
    هو يعنى ملوش بخت زى حمادة والا ايه
    فين حمادة خليه يشوف لى عروسة
    والاحتى يفصل لى واحدة فى مصنعه
    اما الحل التانى فلاممكن ابدا
    خلينى مع بابايا حبييييييييييييييييبى
    وربنا كبير

    ردحذف
  48. دعوه
    الأخت العزيزه
    تحيه طيبه
    برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق صباحا عدا الجمعه
    ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا

    وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
    المدونه
    http://netonradio.blogspot.com
    الموقع
    http://dear.to/cairo

    ردحذف
  49. انا جيت ومستنية الشاي يا نونة انت عارفة مظبوط سكر قليل

    بحبك يا بنت انت بجد، ايه الكلام الجامد ده بجد البوست تحفة ،هو بابا لسه عايز يتجوز وكمان بيتشرط ، اظاهر صنف الستات متبهدل خاااااااااالص

    ربنا يجعله في ميزان حسناتك لان علي الرغم انك مش قادرة تصادقه الا انك قادرة تكونى بارة به
    ربنا يقويك ويجعله في ميزان حسناتك ويكون سبب دخول الجنة بإذن الله

    ردحذف
  50. نوووووووووئة
    الشاى التمام احلى واصدق بنوته
    بس نشربه فى بور سعيد
    ولا ايه
    شفتى عريسنا قوى وواثق من نفسه ازاى
    كل يوم اترحم على امى الف مرة
    كانت متحملاه ازاى
    دعواتك خصوصا فى الكعبة

    ردحذف
  51. ربنا يكون فى عونك
    اصل المواصفات دى نوستحيلة
    بس والله باباكى عسل
    وانتى بقى ربنا معاكى
    انا عندى ليه عروسة خرافية (تيته حبيبتى.. جايبة استبحس لولادها كلهم) بس للاسف تقريبا فوق التمانين
    بس هى دى اللى هتخليه يقول جاااااااااااى
    لكن المشكلة بقى لحسن يقرروا هم الاتنين يقعدوا عندك وانتى اللى تقولى جااااى يا مسكينة
    ربنا معاكى يا عثل

    ردحذف
  52. مانووووش
    حرام عليك يا حبيبتى
    يعنى ازيحه وارتاح يروح ويجيب النناح
    ويمكن توأم على دراعهم كمان
    اللى تتجوزة تاخدة وتمضى على ورقة البضاعة الخارجة لا تدخل تانى ابدا
    نورتينى

    ردحذف
  53. لو بتتكلمى بجد ليه ماتفكروش فى اى واحدة من جاراتكم الارامل مثلا او من هى فى نفس ظروفه
    ربنا يسعدك ياحبيبتى ويرزقك بِر والدك كمان وكمان

    ردحذف
  54. اولا نورتينى
    ثانيا والله بابا بيتكلم جد
    عايز فيها كل المواصفات بس من غير ما يغرم لها الهوى
    وبنت ناس مين اللى ترضى
    عاوز فرق سن فوق 35 سنة وتحمد ربها وتيجى تبوس الايادى
    شايف نفسه بقى ....

    ردحذف
  55. لك الله مع ابيكي \\ اكيد زنوبك كانت كبيرة جدا واديكي بتغسليها وان شاء الله ستكون لك الجنه ان صبرتي او الانتحار ان ضعفتي

    ردحذف
  56. شارك في الحملة من أجل إطلاق سراح
    المدون دكتور / توكل مسعود

    ردحذف
  57. ياسلام يامستورة ياختششششى
    اخيرا رديت عليا
    ربنا يرزقك بواحد زيه قريب
    وابقى اتفرج عليك حتعملى ايه واعمل زيك
    نورتييييييييييييييييييينى

    ردحذف
  58. م. الحسينى لزومى
    كان الله مع الدكتور توكل مسعود ومع كل محبيه

    ردحذف
  59. ههههههههه

    والله باباكي ده عسل خالص

    ينفع انا عروسه طيب

    اهو ماحدش لاقي عريس اصلا :D ههههههه

    ربنا يخليهولك ياقمر

    ويجازيكي الف خير ع البر بيه

    ردحذف
  60. ههههههههههههه

    هو بابا ليه متساهل في الشروط كدة؟؟

    لالا مفروض يشد شوية

    ربنا يوفقه في بنت الحلاااااااال

    ربنا يخلهولك يارب

    تحيااتي

    سارة

    ردحذف
  61. مونى الشريف
    ياريت بس
    البضاعة المباعة لا ترد ولا تستبدل
    نورتينى

    ردحذف
  62. سارة جبالى
    شرفتينى
    هو فعلا متساهل جدا
    شاب بقى وشايف نفسه

    ردحذف

  63. من اكثر الاشياء التى تساعد شركة تنظيف مساجد بالرياض على اختلاف بين واى شركه اخرى انها تمتلك اكبر طاقم عمل من الفلبيين المدربين على اعلى مستوى للقيام باعمال التنظيف فالشعور بالفرق شركة جلي بلاط بالرياض بين خدمتنا وخدمه اى شركه اخرى واضح جدا فتاكد اننا من افضل شركات تنظيف منازل بالرياض تعتبر شركة تنظيف خزانات بالرياض من ارخص الاسعار التى تتواجد فى الاسواق على الرغم من

    ردحذف