نموذج حى وموجود للاسف كثير..
قلت ليه الست المصرية بقى فيها شوية افترى
ليه الزوج المصرى بقى نوعين يا سى السيد ... يا الحاج بركة
جارتى العزيزة
زوجة وام لبنت وولد ..
جميلة ... تخاف الله .. و.. و.........و....
بها كثير من الصفات الجميلة...............ولكن
اصبحت هى سى السيد....
رايها فقط .. قرارتها فقط.. ولابد لحنفى ان يقتنع .
ماهو عارف الطرق الثلاثة:
الاقناع باللين - مش مقتنع.
طيب خد شوية دموع على مسكنة - مش موافق.
طيب.. حتعمل وب........... لامؤاخذة يعنى.
يتخنق الراجل شوية .... يزعق شويتين .. يغضب ثلاث شويات .....لكنه
حنفى المسكين بيحبها جدا... وبيحب ولاده جدا جدا.
وتستمرهى فى السيطرة التامة ... بتكتيك عسكرى منظم.
شوية دلع على حنان......
تنظف جيوبه يوميا..........
الحصار التام:
من اصدقاء السوء اللى بينصحوا بعض... او الاخوة الاعداءاللى ما يتسموا
ويترك لها الملعب ويكتفى بالتصفيق..........
ويصبح السبع افندى واولاده اليد المنفذة لكل قرارات رئيسة مجلس الادارة.
يصبح المتحدث الرسمى بلسانها .
وتندب المفترية حظها العاثر اللى وقعها فى عديم الشخصية.
ما انت اللى حولتيه يا ولية
وتمر الايام..... وتصبح الابنة عروسة تخطف الابصار بجمالها.. رقتها ... ثقافتها... عملها...وعلمها.. ويتوافد العرسان..... فالابنة كاملة الاوصاف .
هل تريد كل زوجة ان يتحول زوجها الى الحاج بركة؟
هل تسعد كل فتاة بان تكون هذا النموذج المسيطر؟
الزواج شركة تقوم على المشاركة فى كل شئ مع الاحترام المتبادل..
ولو حدث خلاف فى الراى
ياترى راى زوجات الزمن ده اييييييييييييييه ؟
اول تعليق واول زيارة
ردحذفخبطتين فى الراس ...بس ان شاء الله مش هتوجع...
هههههههههههههه
بصراحه موضوع جميييل وحقيقى قوى ...انا بصراحه مابحبش الراجل البركه فى البيت ...وباحس انه .......لامؤاخذه...مش راجل..
مش معنى كده يبقى سى السيد بتاع زماااان ...لالالا الاعتدال حلو....وشويه عليه وشويه على ...واهى ماشيه
تحياتى ليك ياجميل ولكل اهل اسكندريه...
اجدع ناس
بنت الغربة المخنوووووووووووقة جدا
ردحذفاولا : نورتينى
وثانيا : نورتينى
اما ثالثا بقى :فنورتينى
الحقيقة مفيش ست ممكن تحترم جوزها لو كان حنفى
صحيح هى بجبروتها بتحوله لهذا النموذح..
لكنها تقعد تصوت وتقول كان نفسى فى راجل اعتمد عليه
ما انتى اللى حولتيه لخيال مااته يامفترية
تحياتى لك ولكل اهل دبى عشان عيونك
عزيزتي
ردحذفانا من اشد انصار حرية المرأة بس انا برضة بشوف ان الوسطية احسن حاجة
عمري ما اقدر اتجوز لا قدر الله حنفي لأن ده زي قلته
ولا حتى اتجوز سي السيد لأن ده قسوته ممكن تقضي عليا
انا احب جدا صلاح ذو الفقار في مراتي مدير عام راجل حنون جدا ومتفهم جدا لدور مراته في الحياة العامة
هي كمان لازم تفهم انه لازم يكون اقوى منها وقوتها هي في ضعفها
تحياتي ليكي
رنا
اسلوبك جميل
ردحذفبس انا شايفه انها مش حرب وانه مش لازم راي مين اللى يمشي
ايوه الراجل له كل القوامه بس هو بشر ممكن يخطا وبالتالى كلحاجه بالشورى
على فكره برفض تماما الست اللى هى سي السيد
الست ست والراجل راجل
تحياتى
عارفة يا ام شرفنطح يا اوختشي
ردحذفالموضوع معقد كتير عن اننا نقول فيه رأي بسيط كده
تتجوز البنت وهي فعلا في مجتمعنا - الأغلب الأعم - قطة مغمضة وليها كل احلام السعادة
يتضافر جهود السيد جوزها على الست امها على صاحباتها على تيت اللي جابوا اهلها لتحويلها لأمنا الغولة
فيه ستات تحولت لسي السيد علشان تلحق سفينة بيتها من الغرق نتيجة لزواجها من إمعه عديم القرار
فيه اتحولم نتيجة لقهر يعجز اللسان عن وصفه
فيه اتحولم من كتر ما هي تابعة لأمها - حماتي ملاك - وتبقى صورة مشوهه من ام مشوهه ايضا
فيه اتحولم بعد ما الراجل وراها المرار وبعدين طب العجل - تعب او افتقر او حصلت ليه اي ظروف - فتخلص من حبابي عنيه القديم والجديد
وفيه يا اوختشي ستات اصلهم سيء - ميتمرش فيهم عيشة
وتحت اي بند هذا الرجل لن يظل هكذا طوال العمر
مهما طال الوقت لو كان راجل بحق وحقيق ها يثور ويجيب مناخيرها الأرض بزيجة اخرى او طلاق
احتقر الرجل الأمعه
احتقر الرجل الظالم المسيطر المستبد
ربنا يرزق كل بنات المسلمين بالطيب الأصل والتربية .. اللي عارف ان رجولته مش صوت عالي .. واللي ميسمحش ان حد يهين كرامته ولا هو يهين كرامة حد
خلاص تعبت
عزيزتى
ردحذفمعاكى حق
الدنيا اتغريت
والراجل مبقاش زى زمان
ويا ريت عاجب
بصراحه الستات لما بيتحكموا بيفتروا
والراجل لما بيكون طيب مع الست
بتزودها
مع ان الطيبه دى شئ جميل ومحترم
والرجل الواجب عليه يحاول يمسك زمام الامور فى البيت علشان اولاده وحياته
تحياتى
سلام
رنا الجميلة
ردحذفشكرا على تشريفك ليا
ويارب يحقق املك ويكون نصيبك مع
رجل حنين ورومانسي ومتفهم لدور المراة...
وعلى فكرة موجود شباب محترم وطيب وله شخصية قوية نتيجة تربية سوية.
نورتيييييينى
حمدا لله على السلامة يا جميل
ردحذفوكل سنة وانت طيبة يا احلى ستيتة.
ويارب تكون زيارة حماتك موفقة
وهنيئا لك كل الدعاء الجميل
سواء من حماتك او من اصحابك فى المدونات
وربنا يتقبله انشاء الله.
الحقيقة اسبابك منطقية جدا... بس حنفى الذى تعود على الخضوع سنين طويلة صعب يتغير
يمكن ينفس بشوية كلام او تصرفات.. لكن وقت الجد انسى..............
ربنا يهدى الجميع......... قولى اااااااااااااميييييييييين
احساس لسه حى
ردحذفنورتييينى
اختيارك للاسم جميل
وياريت كل الناس يكون عندها الاحساس والضمير الحى
ياريت ايضا كل راجل يكون لديه الشخصية والقدرة على توجيه دفة الحياة بحكمة وحنان
ساعتها حيطلع لنا اولاد اسوياء نسعد بهم.
شكرا على زيارتك
وحالا ارد لك الزيارة انشاء الله.
الرائعة جيجى
ردحذفشكرا تشريفك ليا
معاك حق تماما انها مش حرب
لكن الحياة لا تسير على وتيرة واحدة ولا بد احيانا من الاختلاف.. ساعتها نعمل ايه
تحياتى يا قمر
ونورتينى
انا عايز اسأل سؤال صغير
ردحذفما معنى القوامه ؟
سولى 88
ردحذفاولا شرفتنا يا رجل
ثانيا مانت لسه عايش اه
امال فاكر انك ميت ازاى
ثالثا اشرح القوامة لراجل عنده الفين سنة ازاى
دا انت تشرحها لقدماء المصريين
نورتنا