كلمتى لا ممكن تنزل الارض ابدا

حنفى

خلاص تنزل المرة دى

نموذج حى وموجود للاسف كثير..
قلت ليه الست المصرية بقى فيها شوية افترى
ليه الزوج المصرى بقى نوعين يا سى السيد ... يا الحاج بركة
جارتى العزيزة

زوجة وام لبنت وولد ..

جميلة ... تخاف الله .. و.. و.........و....
بها كثير من الصفات الجميلة...............ولكن
اصبحت هى سى السيد....
رايها فقط .. قرارتها فقط.. ولابد لحنفى ان يقتنع .
ماهو عارف الطرق الثلاثة:
الاقناع باللين - مش مقتنع.
طيب خد شوية دموع على مسكنة - مش موافق.
طيب.. حتعمل وب........... لامؤاخذة يعنى.
يتخنق الراجل شوية .... يزعق شويتين .. يغضب ثلاث شويات .....لكنه

راجع راجع

حنفى المسكين بيحبها جدا... وبيحب ولاده جدا جدا.
وتستمرهى فى السيطرة التامة ... بتكتيك عسكرى منظم.
شوية دلع على حنان......
تنظف جيوبه يوميا..........
الحصار التام:
من اصدقاء السوء اللى بينصحوا بعض... او الاخوة الاعداءاللى ما يتسموا

ويوما بعد يوم ينسحب حنفى من كل القرارت المصيرية

ويترك لها الملعب ويكتفى بالتصفيق..........
ويصبح السبع افندى واولاده اليد المنفذة لكل قرارات رئيسة مجلس الادارة.
يصبح المتحدث الرسمى بلسانها .

وتندب المفترية حظها العاثر اللى وقعها فى عديم الشخصية.

ما انت اللى حولتيه يا ولية

وتمر الايام..... وتصبح الابنة عروسة تخطف الابصار بجمالها.. رقتها ... ثقافتها... عملها...وعلمها.. ويتوافد العرسان..... فالابنة كاملة الاوصاف .

وتتم الختبارات لكل متقدم . قد ياخذ الاختبار شهورا حتى تظهر النتيجة راسب.....راسب........

والسبب طبعا معروف...

حتى جاء من اقنع الام بشخصه وولائه الكامل طوال فترة الخطبة.

اما ما حدث بعد الزواج ...

انتظروه فى مدونتى القادمة حماتى ملاك

والسؤال الذى يطرح نفسه الان
هل تريد كل زوجة ان يتحول زوجها الى الحاج بركة؟
هل تسعد كل فتاة بان تكون هذا النموذج المسيطر؟
الزواج شركة تقوم على المشاركة فى كل شئ مع الاحترام المتبادل..
ولو حدث خلاف فى الراى

فليسود راى الرجل...

فهو المسؤل الاول عن كيان الاسرة

وهو من له القوامة.
ياترى راى زوجات الزمن ده اييييييييييييييه ؟